MANUNAN ARTIKULO | SARAG MON NAKAARO SO DIOS
Kasin Naliliknam ya Maapit Kad Dios?
“No maapit kad Dios, naliknam ya protektado ka tan anggapoy kulang ed bilay mo. Antam ya naynay ya nononoten na Dios no antoy maabig parad sika.”
—CHRISTOPHER, KALANGWERAN YA TAGAD GHANA.
“Amta na Dios so amin ya paniirap mo, inar-aro to ka tan iimanoen to ka, mas ni nen say iisipen mo.”
—HANNAH, 13 AÑOS YA TAGAD ALASKA, U.S.A.
“Agnabayaran tan balibali liknaan no antam ya maapit kad Dios!”
—GINA, MASULOK YA 40 AÑOS YA TAGAD JAMAICA.
Aliwa labat ya si Christopher, Hannah, tan Gina so makakalikna na ontan. Diad interon mundo, dakel a totoo so kombinsido ya ipapasen ira na Dios ya kaaro to. Sika ey? Kasin naliliknam ya maapit kad Dios? Odino labay mo kasi magmaliw a maapit o mas maapit ni ed sikato? Ompan iisipen mo: ‘Posible kasin nawalaan na maapit ya relasyon so too ed Dios a Makapanyarin-amin? No posible, panon to sirin ey?’
POSIBLE SO IYAPIT ED DIOS
Ibabaga na Biblia ya posible so nawalaan na maapit a relasyon ed Dios. Unong ed Biblia, tinawag na Dios so Hebreon patriarka ya si Abraham a “kaarok.” (Isaias 41:8) Imanoen met so maaron imbitasyon ya nabasa ed Santiago 4:8: “Onapit kayo ed Dios, tan sikatoy onapit ed sikayo.” Malinew sirin ya say maapit a relasyon
Pian naebatan itan, isipen pa no panon ya magmamaliw a sankaaro iray totoo. Kaslakan et amtaen da ni so ngaran na sakey tan sakey. Insan, no naynay la ran mantotongtong, ya manbabagaan iray iisipen tan liknaan da, mas onaapit irad sakey tan sakey. Tan no mantutulongan ira, mas onelet so pankakaaro da. Ontan met so iyapit ed Dios. Nengnengen tayo no panon.
Ompan Nagustoan Mo Met
SAY PANAG-BANTAYAN
Kasin Antam tan Uusaren Mo so Ngaran na Dios?
Singa ipapakabat na Dios so sarili to ed sika ya ibabaga ton: “Siak si Jehova, satan so ngaran ko.”
