1. Mantultuloy tayo ya manpatatken,

diad amin et ipatnag, say dugay gawaen.

Say ministeryom so paaligwasen

tan Dios so mamendisyon.

Diad pampulong amin et mibiang,

inter ya nen Jesus a ganggan.

Ag-onkapuy tan Dios kereway tulong,

makpel ed inkatunong.

2. Mantultuloy tayo, ag-onsesener.

Onsabi anggaan, say amin pakabatan.

Mibiang tid panagdayew ed Dios tayo

diad pankabkaabungan.

Anggan sikatayoy busolen,

siansia nin ganggay Dios unoren.

Say uley na Panariay Dios wadia la,

maliket tin ibaga.

 3. Onkiwas ta dakel ni so gawaen.

Dunong ed panagpulong

so paaligwasen.

Say masanton espiritu kerewen

pian liket nagamoran.

Saramay ondengel aroen,

pawilen, puso ray sabien.

Mauyamon totoo et tulongan,

isindag so katuaan.