Memoryal na Impatey nen Jesus
Sabado, Abril 12, 2025
Maminsan ed kada taon, nonodnonoten na saray Tasi nen Jehova so impatey nen Jesu-Kristo pian naunor da imay ingganggan to. Kuan to: “Itultuloy yon gawaen iya bilang pannodnonot ed siak.”—Lucas 22:19.
Labay mi kayon imbitaan ed sayan okasyon.
Saray Mabetbet ya Itetepet
Panon kabayag so programa?
Manga sakey oras.
Iner itan nagawa?
Kontaken iray Tasi nen Jehova parad saray detalye ed lugar yo.
Kasin walay entrance fee?
Anggapo.
Kasin walay nagawan panagkolekta?
Anggapo.
Antoy isulong?
Anggaman anggapoy espisipikon klase na kawes ya kaukolan ya isulong ed sayan okasyon, pansasagpotan na saray Tasi nen Jehova ya tumboken so bilin na Biblia ya mansulong na masimpit tan marespeton kawes. (1 Timoteo 2:9) Agkaukolan ya mabli odino pormal so isulong yo.
Antoy nagawa ed Memoryal?
Diad gapo tan sampot na pantitipon, mangansion tayo, insan walay sakey ya ministro na saray Tasi nen Jehova ya mangidaulo na pikakasi. Walay paliwawa ya nibase ed Biblia nipaakar ed no akin ya importante so impatey nen Jesus tan no panon itayon minabang ed ginawa na Dios tan na Kristo parad sikatayo.
Parad kaaruman ya detalye, nengnengen so artikulon “Akin et Midumaan ed Arum a Relihyon so Panseselebra na Saray Tasi nen Jehova ed Pangdem na Katawan?”
Kapigan iray onsublay ya Memoryal?
2025: Sabado, Abril 12
2026: Huebes, Abril 2
Ompan Nagustoan Mo Met
MEMORYAL
Nodnonoten so Impatey nen Jesus
Labay mi kan imbitaan ya onatendi ed sayan importantin labi. Naaralan mo dia no panon kan nabendisyonan ed bilay tan impatey nen Jesus.
ESSENTIAL BIBLE TEACHINGS
Akin ya Inatey si Jesus?
Ibabaga na Biblia ya balbaleg so agawaan na impatey nen Jesus. Wala kasi gagala na impatey to?