Bo Por Haya Bendicion Eterno di un Dios Amoroso
Bo ta anhela di biba den un mundo caminda no tin guera, violencia ni desacuerdo?
Bo ta desea pa no tin maleza, sufrimento ni morto mas?
Bo ta desea pa no tin preocupacion ni ansiedad mas?
Bo kier biba unda ningun desaster natural lo tuma luga?
Nos Dios amoroso, e Creador di nos bunita planeta, a priminti cu hende lo biba pa semper den paz y felicidad. Esaki no ta un soño.
Den e siguiente articulonan, nos ta invita bo pa considera:
Kico Dios ta sinti pa hende
Ki mensahe Dios tin pa nos den su Palabra skirbi
Kico Dios su profetanan a bisa tocante e cosnan bon cu Dios a haci y lo haci pa nos
Con Dios ta yuda nos pa nos por ta feliz awor y den futuro
Laga nos ban wak prome con tur e cosnan cu Dios ta duna nos ta demostra cu e ta stima nos.
