Hopi hende rond mundo ta sinti nan nan so. Nan ta sinti cu nan no por cera amistad cu otro hende. Algun experto riba e tereno di salubridad ta kere cu un manera pa trata cu sintimento di soledad ta di yuda otro hende.

•   “Ora nos ta yuda hende den necesidad, nos ta haya proposito den bida. Ademas, esey lo yuda nos pa nos no sinti nos nos so i pa evita e tendencia di isola nos mes.”—O.S. National Institutes of Health.

 Bijbel ta duna nos bon conseho tocante con nos por yuda otro hende. Si nos aplica loke Bijbel ta bisa, esey lo yuda nos bringa contra soledad.

 Sea generoso. Haci esfuerso pa pasa tempo cu otro hende, specialmente en persona. Sea dispuesto pa comparti loke bo tin cu otro hende. Ora bo haci esey, hende hopi biaha lo keda masha agradecido i esey por habri caminda pa boso cera un amistad.

•   Principio di Bijbel: “Custumbra duna, y hende lo duna boso.”—Lucas 6:38.

 Uza bo energia pa yuda otro hende. Busca manera pa yuda hende cu ta pasando den situacion dificil. Kisas lo bo tin cu scucha nan cu atencion of yuda nan cu algun diligencia of trabou. Di e manera ey, lo bo haci nan bida un poco mas facil.

•   Principio di Bijbel: “Un berdadero amigo ta stima semper; e ta un ruman cu bo por conta cu ne den tempo dificil.”—Proverbionan 17:17.

 Pa haya mas informacion tocante con bo por mantene un bon amistad cu otro hende, lesa e articulo “Bida di Famia y Amistad cu Otro Hende.”