Bijbel no ta uza e palabra “abortus” den e sentido di termina un embaraso intencionalmente. Sinembargo, hopi versiculo di Bijbel ta mustra kico Dios ta pensa tocante bida, incluso bida di un yiu cu no a nace ainda.

 Bida ta un regalo di Dios. (Genesis 9:6; Salmo 36:9) Dios ta considera tur bida masha valioso, incluso bida di un yiu den bariga di su mama. Pues, si un hende intencionalmente kita bida di un yiu cu no a nace ainda, esey ta mescos cu asesinato.

 E Ley cu Dios a duna e Israelitanan ta bisa: “Si algun homber ta bringa cu otro y nan lastima un muher na estado y e muher aki duna luz prematuro y tanto e como e baby keda na bida, e persona culpabel mester paga daño y perhuicio manera esposo di e muher exigi. Esey mester sosode a base di decision di hues. Pero si un accidente fatal sosode, e ora ey bo tin cu duna bida pa bida.”—Exodo 21:22, 23, NW. a

•  Na ki momento bida di un hende ta cuminsa?

•  Dios ta pordona hende cu a comete abortus?

•  Ta malo pa comete abortus si bida di e mama of di e yiu ta na peliger?

 Dios ta considera cu bida ta cuminsa na momento cu un yiu ser concebi. Den su Palabra, Bijbel, semper Dios ta referi na un yiu cu no a nace ainda como un persona riba su mes. Wak algun ehempel cu ta mustra cu Dios no ta haci distincion entre bida di un baby den bariga di su mama y un yiu cu a nace caba.

•   Rey David a bisa bou di inspiracion di Dios: “Fo’i promé ku mi a nase B’a mira mi.” (Salmo 139:16, BPK) Hasta prome cu David a nace, e tabata un persona den bista di Dios.

•   Ademas, prome cu Profeta Jeremias a nace, Dios tabatin un proposito special p’e. Dios a bis’e: “Prome cu mi a forma bo den bariga, mi tabata conoce bo, y prome cu bo a nace, mi a consagra bo; mi a nombra bo como profeta pa e nacionnan.”—Jeremias 1:5.

•   E escritor di Bijbel Lucas, un dokter, a uza e mesun palabra Griego pa describi tanto un yiu den bariga di su mama como un yiu recien naci.—Lucas 1:41; 2:12, 16.

 Si. Dios por pordona hende cu a comete abortus. Si nan dicidi di acepta Dios su punto di bista tocante bida, nan no mester laga sintimento di culpa tormenta nan. Bijbel ta bisa: “SEÑOR ta yen di compasion y gracia, kende no ta rabia lihe, y ta abunda den misericordia ... Mes leu cu pariba ta for di pabou, mes leu el a aleha nos transgresionnan for di nos.” (Salmo 103:8-12) Jehova b ta pordona tur hende cu arepenti di curason di e picanan cu nan a yega di comete, incluso abortus.—Salmo 86:5.

 En bista di loke Bijbel ta bisa tocante un yiu cu no a nace ainda, un posibel peliger pa e mama of e baby no ta un motibo valido pa comete abortus.

 Kico si durante parto surgi un emergencia caminda mester scoge entre bida di e mama of bida di e baby? Den un caso asina, cu sa pasa masha poco, esnan envolvi mester tuma un decision personal cua bida ta salba.