Ta necesario pa haci un reservacion? Si. Pa evita cu mucho hende ta bin pareu y pa haci sigur cu tur hende ta disfruta di nan tour, nos ta pidi tur hende cu ta bin bishita, sea cu e grupo ta chikito of grandi, pa haci un reservacion prome cu nan bin haci un tour. Haci un reservacion por lo menos 1 siman di antemano. Si bo bishita ta cay riba un dia liber oficial, lo ta bon pa bo haci un reservacion hasta mas prome cu esey.

Ta posibel pa haci un tour si bo no tin un reservacion? Si bo no tin un reservacion, kisas lo bo no por haci un tour. Debi na espacio disponibel, ta solamente un cantidad limita di persona por haci tour cada dia.

Ki ora bo mester yega pa haci bo tour? Pa evita cu mucho hende ta bin pareu, por fabor no yega mas cu 1 ora prome cu bo reservacion.

Con bo por haci un reservacion? Click riba “Haci un Reservacion.”

Ta posibel pa cambia of cancela un reservacion? Si. Click riba “Wak of Cambia Bo Reservacion.”

Kico bo por haci si no tin tour disponibel riba e fecha cu bo ta prefera? Check e site mas despues. E fecha por bira disponibel atrobe si otro hende cambia of cancela nan reservacion.

1 Robert Broom Drive East

Rangeview

KRUGERSDORP

1739

SUR AFRICA

Telefon: +27 11-761-1002

E-mail: InboxBTHLTours.ZA@jw.org

Centro di Bishitante: E tour ta cuminsa cu un video di introduccion. Tin varios video durante e tour cu ta duna bo un idea di loke ta tuma luga na Betel y con Betel ta apoya nos adoracion. Mucha ta gusta saca potret cu Caleb y Sofia den e area cu yama: Bira Amigo di Jehova.

Centro di Bishitante Imprenta 2: Tin tres video cu ta mustra e importancia di traduci y imprimi literatura na e idiomanan local. Tin un caminda den e tour cu bo por mira con tur dos mashin di imprenta ta traha. E parti sobresaliente di e tour ta e exposicion di Bijbel cu ta mustra con algun Bijbel den e idiomanan local a uza e nomber di Dios den transcurso di tempo.

Centro di Bishitante Imprenta 3: Den e parti aki di e tour tin un caminda cu bo por wak henter a area caminda ta prepara pa manda literatura. Ademas, tin pantaya cu ta mustra unda e literatura ta bay. Tin tres video cu ta duna informacion tocante construccion di Salon di Reino, con ta manda literatura, y con ta prepara publicacion di audio y video.

Luga di picknick y parkeer: Den e area aki lo bo por come cuminda cu bo mes a trece. Aki ta e luga di parkeer pa bus. Riba dia liber oficial ta uza e area aki pa para tur vehiculo.

Transporte: Tin bus cu ta core entre e centronan di bishita.

Na e sucursal aki ta imprimi buki, revista, foyeto y tratado na mas cu 150 idioma. Tambe ta manda literatura pa miles di congregacion na 20 pais. Ademas, ta traduci Bijbel, literatura, y video na mas cu 20 idioma. Tambe, sucursal ta apoya construccion di Salon di Reino pa medio di e Departamento di Diseño y Construccion na 42 pais.

Download un Foyeto di Tour