1. Di kas pa kas, di stat pa stat,

den públiko⁀i privá,

karné pèrdí, karné plamá

ta ser alimentá.

Kristiannan fiel di tur edat

rònt mundu ta⁀anunsiá

e bon notisia ku Hesus

awor ta koroná.

2. Di kas pa kas ban proklamá

ku Dios tin salbashon

pa tur esnan ku invok’é

ku pleno konvikshon.

Ma kon por invok’é sin ni

sikiera konos’é?

P’esei nos tin ku sigui bai

pa nan por sa di dje.

3. Pues nos ta bai di kas pa kas

pa nos por proklamá

Yehova su mensahenan

na⁀henter humanidat,

dunando nan un

oportunidat pa disidí,

pa mas karné por bolbe kas

i sirbi⁀e Dios felis.