Salmo 57:1-11
Na e direktor musikal. Riba melodia di “No Kaba ku Mi.” Un salmo di David. Miktam.* Tempu ku David a hui pa Saul i bai skonde den kueba.
57 O Dios, tene miserikòrdia di mi. Sí, tene miserikòrdia di mi,pasobra serka bo mi* ta buska protekshon.Lo mi skonde bou di bo alanan te ora ku mi difikultatnan pasa.
2 Mi ta sklama na Dios Haltísimo,na e Dios berdadero, kende ta pone fin na mi difikultatnan.
3 Lo e manda yudansa for di shelu i salba mi.
Lo e stroba e plannan di hende ku ta ataká mi.* (Sela)
Dios lo yuda mi, pasobra e ta stima mi i e ta fiel.*
4 Mi* ta rondoná di leon;mi tin ku drumi meimei di hende ku ke habraká mi,hende ku djente manera sper i flechai ku tin lenga skèrpi manera spada.
5 O Dios, demostrá kon grandi bo ta den shelu;laga bo grandesa ta bisto tur kaminda riba tera.
6 Mi enemigunan a prepará un trampa* pa mi.Mi* ta yen di problema.
Nan a koba un buraku pa mi,pero ta nan mes a kai aden. (Sela)
7 O Dios, mi kurason ta fiel na bo;sí, mi kurason ta fiel na bo.
Lo mi toka músika i kanta alabansa na bo.
8 Mi ke toka arpa i otro instrumènt di kuèrdè.
Lo mi lanta.*
Lo mi lanta trempan, promé ku solo sali.
9 O Yehova, lo mi alabá bo entre e pueblonan.Ku kantika, lo mi alabá* bo entre e nashonnan,
10 pasobra bo amor leal ta asina grandi ku e ta yega te na shelu,i bo fieldat ta yega te den e nubianan.
11 O Dios, demostrá kon grandi bo ta den shelu;laga bo grandesa ta bisto tur kaminda riba tera.
Nota
^ Òf: “mi alma.”
^ Òf: “ku ta tira djente riba mi; ku ta purba di habraká mi.”
^ Òf: “Dios lo demostrá su amor leal i fieldat.”
^ Òf: “Mi alma.”
^ Lit.: “nèt.”
^ Òf: “Mi alma.”
^ Lit.: “Mi gloria, lanta!”
^ Òf: “Lo mi toka músika pa.”
