Salmo 65:1-13
Na e direktor musikal. Un salmo di David. Un kantika.
65 O Dios, nos lo alabá bo riba seru Siòn.Nos lo kumpli ku nos promesanan solèm ku nos a hasi na bo.
2 Mi Dios, ta abo ta skucha orashon; tur sorto di hende* lo bini serka bo.
3 Mi pikánan ta muchu hopi pa mi karga;pero abo ta pordoná nos pa tur e kosnan malu ku nos ta hasi.
4 Felis ta e persona ku bo ta skohe i hala serka bopa biba riba e plenchinan di bo tèmpel.
Nos lo ser sasiá ku e kosnan bon di bo kas,sí, di bo tèmpel santu.*
5 O Dios di nos salbashon,lo bo kontestá nos orashon ku bo echonan impreshonante di hustisia.Hende ku ta biba na e partinan di mas leu di terai na e partinan mas leu di laman ta pone nan konfiansa den bo.
6 Bo* a establesé e serunan firmemente pa medio di bo poder.Bo* ta masha poderoso.
7 Bo* ta kalma laman brutu,dalmentu di ola i bochincha di e nashonnan.
8 E habitantenan di e lugánan alehá lo keda impreshoná ku bo echonan.*Lo bo laga hende—ku ta biba for di kaminda solo ta sali te kaminda e ta baha—kanta di alegria.
9 Bo ta kuida tera;bo ta gòrd’é i hasié masha fruktífero.*
Bo a yena e riunan ku awa;bo ta sòru pa tera produsí kuminda pa hende.Ta asina bo a prepará tera.
10 Bo ta muha tera su kunukunan, i bo ta hasi e tera ku nan a plug* pareu.Bo ta hasi e tera moli ku áwaseru, i bo ta bendishoná loke tin plantá.
11 Bo ta koroná kada aña ku kos bon.Kaminda ku bo pasa, lo tin kos bon* na abundansia.
12 E sabananan ku ta den desierto* tin abundansia di yerba bèrdè,i e seritunan ta bistí ku alegria.
13 E sabananan ta patapata di bestia,i e vayenan* ta tapá ku trigu.
Nan tur ta dal gritu di alegria, sí, nan ta kanta.
Nota
^ Lit.: “tur karni.”
^ Òf: “bo lugá santu.”
^ Lit.: “El.”
^ Lit.: “E.”
^ Lit.: “E.”
^ Lit.: “bo señalnan.”
^ Lit.: “i dun’é abundansia.”
^ Òf: “ta hasi e rantnan.”
^ Lit.: “vèt.”
^ Òf: “e sabananan.”
