LEI a bisa ku por a usa tur e dos paranan akí komo ofrenda pa Yehova. Semper tabata menshoná nan dos huntu den e leinan ku tabata papia tokante sakrifisio; por a ofresé sea esun òf e otro. (Lev. 1:14; 12:8; 14:30) Esei tabata bon pasó no ta tur ora tabata haña tòrteldùif. Ban wak dikon.

Durante e lunanan mas kayente, por a haña tòrteldùif rònt Israel. Pero, den òktober ora a kuminsá bira friu, nan tabata bai zùit na paisnan mas kayente i den lènte nan tabata bini bèk. (Kant. 2:11, 12; Yer. 8:7) Esei a nifiká ku no ta henter aña por a haña tòrteldùif pa ofresé komo sakrifisio.

Di otro banda, palomba sí tabata keda henter aña na Israel. De echo, hende tabata kria palomba. (Kompará ku Huan 2:14, 16.) E buki Bible Plants and Animals ta bisa: “Den tur pueblo i stat na Palestina tabatin hende ku a kria palomba. Kada kas tabatin su propio kas di palomba ku tabata un buraku den muraya kaminda e paranan por a biba.”—Kompará ku Isaías 60:8.

Kiko esei ta siña nos di Yehova? E ta un Dios amoroso i rasonabel ku a permití e israelitanan ofresé para ku tabata fásil pa haña durante henter aña.