Tur hende tin un nòmber personal. No ta lógiko ku Dios tambe lo tin un nòmber? Uso di nòmber personal ta importante den un amistat. Akaso esaki mester ta diferente ora ta trata di nos amistat ku Dios?

 Aunke Dios tin hopi título den Beibel—manera “SEÑOR,” “Dios Todopoderoso,” “Señor Soberano” i “Kreador”—e ta onra su sirbidónan invitando nan pa usa su nòmber personal. (Génesis 17:1, Beibel Santu; Echonan 4:24; 1 Pedro 4:19) Kiko ta su nòmber personal? Un biaha Hesukristu a sita e Skritura Hebreo di Beibel i a bisa: “Ta pará skirbí: ‘Ta Yehova bo Dios bo tin ku adorá, i ta na e so bo tin ku rindi sirbishi sagrado.’” (Mateo 4:10) Mayoria di eksperto riba tereno di Beibel ta preferá e forma di e nòmber “Yahweh,” pero “Yehova” ta e forma mas konosí.

 E promé parti di Beibel no a ser skirbí na Papiamentu, sino na Hebreo, un idioma ku ta ser lesá di patras pa dilanti. Den e idioma ei, e nòmber divino ta aparesé komo kuater konsonante , יהוה. E kuater lèternan Hebreo tradusí komo YHWH—ta konosí komo Tetragrámaton.