In’s Neiy Teshtament dutt’s oft shvetza veyyich da Barnabas un da Paulus. Si voahra overseers in di eahsht century es di congregations gepsucht henn. Favass? Si henn reeli vissa vella vi iahra breedah un shveshtra am du voahra spiritually. Da Paulus hott ksawt: “vella zrikk gay un unsah breedah psucha” fa gukka vi si am du sinn. Eah voah willing fa hunnahts funn meil gay so es eah si ufbauwa kann. (Apostelgeschichte 15:36) Sell is vass di circuit overseers du vella heit.

Si gevva uns encouragement. Alli circuit overseer psucht 20 adda so congregations zvay moll’s yoah, un shpend en voch mitt si. Miah kenna bennafida funn di experiences funn dee breedah un aw funn iahra fraw vann si keiyaht sinn. Si boviahra alli-ebbah goot kenna, si gayn geahn mitt uns in di ministry, un kumma mitt uns uf Bivvel shtoddis. Dee overseers gayn mitt di elders fa hilf un kamfirt gevva zu selli es encouragement braucha. Si doon uns ufbauwa bei encouraging talks gevva an di fasamlinga un assemblies.​—Apostelgeschichte 15:35.

Si nemma en interest in alli-ebbah. Circuit overseers nemma en interest in vi alli-ebbah am du is spiritually. Si kumma zammah mitt di elders un di ministerial servants fa gukka vi si am du sinn, un si goot advice gevva so’s si bessah vadda kenna in di responsibilities es si henn. Si helfa di peiyneers bessah vadda in di ministry. Si enjoya lanna selli bessah kenna es yusht kshteaht henn zu di fasamling kumma, un vella vissa vi si am vaxa sinn spiritually. Dee breedah sinn unsah “mitt-helfah,” un doon geahn iahra zeit yoosa fa personal interest nemma in uns. (2 Korinther 8:23) Miah sedda iahra shteikah glawva in Gott immatayda.​—Hebräer 13:7.

• Favass doon di circuit overseers di congregations psucha?

• Vi kansht du bennafida vann si kumma psucha?