LESSON 03
Kansht Du Glawva Vass di Bivvel Sawkt?
Di Bivvel hott en latt goodi promises un advice es uns helfa kann. Du vitt andem fashtay vass di Bivvel sawkt, avvah du bisht nett shuah eb du setsht. Kann ma promises un advice funn so en ald buch trosta? Kansht du reeli glawva vass di Bivvel sawkt veyyich layva enjoya nau un in da future? Millions funn leit glawva in di Bivvel. Vitt du may lanna?
1. Is di Bivvel aekshli voah?
Di Bivvel sawkt vass kshrivva is drinn is “di voahheit.” (Breddichah 12:10) Es shvetzt veyyich shtoft es aekshli kaebbend hott zu leit vi uns. (Lays Lukas 1:3; 3:1, 2.) Vann ma en shtoahri layst in di Bivvel, sawkt’s uns vass kaebbend hott, un zu veah, vann un vo. Dess helft uns clearly vissa vass aekshli kaebbend hott.
2. Favass kenna miah sawwa es di Bivvel uns helfa zayld even vann’s en ald buch is?
Di Bivvel shvetzt oft veyyich sacha es leit nett fashtanna henn biss shpaydah. Fa’n example, es shvetzt bissel veyyich scientific shtoft. Zrikk no vann di Bivvel kshrivva voah, henn en latt leit nett geglawbt vass’s sawkt veyyich scientific shtoft, so vi da shape funn di eaht. Avvah, research es gedu voah prooft es vass di Bivvel sawkt veyyich scientific shtoft is voah. Ma kann’s trosta “fa’immah un immah.”—Psalm 111:8.
3. Favass kenna miah glawva vass di Bivvel sawkt veyyich da future?
Di Bivvel shvetzt veyyich sacha es “noch am kumma” sinn. (Jesoiya 46:10) Di Bivvel hott sacha clearly ekshplaynd lang eb si kaebbend henn. Es sawkt vi layva sei zayld in unsah dawk even nunnah zu da glensht detail. In deah lesson, zayla miah lanna veyyich dayl funn di prophecies in di Bivvel. ’Sis amazing vi alli detail voah kumma is!
LANN MAY
Vella gukka vi science agreet mitt di Bivvel. Un vella aw an poah amaysingi prophecies gukka.
4. Science agreet mitt di Bivvel
Lang zrikk henn leit geglawbt es di eaht uf ebbes hokt. Shpeel da VIDEO.
Gukk moll vass kshrivva voah in Hiob baut 3,500 yoah zrikk. Layset Hiob 26:7, un no shvetzet veyyich deah question:
-
Favass is’s surprising es’s sawkt in Hiob es di eaht “henkt uf nix”?
Es voah nett biss 200 yoah zrikk es leit da water cycle fashtanna henn. Avvah, vella gukka vass di Bivvel ksawt hott dausends funn yoah zrikk. Layset Hiob 36:27, 28, un no shvetzet veyyich dee questions:
-
Favass is’s amazing vi di Bivvel da water cycle described?
-
Henn di shrifta es miah glaysa henn dich kolfa glawva vass di Bivvel sawkt?
5. Prophecies in di Bivvel henn ksawt vass haebna zayld in da future
Layset Jesoiya 44:27–45:2, un no shvetzet veyyich deah question:
-
Vass fa details hott di Bivvel ksawt 200 yoah eb Babylon distroit vadda is?
History prooft es da Kaynich Cyrus funn Persia un sei army henn di shtatt funn Babylon ivvah gnumma baut 540 yoah eb da Jesus geboahra voah. Si henn da revvah es di shtatt protekt hott ufgedrikkeld. Si sinn nei in di shtatt ganga koss di doahra voahra uf glost, un si henn’s ivvah gnumma unni fechta. Even heit, ivvah 2,500 yoah shpaydah, nimmand voond in Babylon. Gukk moll vass di Bivvel ksawt hott.
Layset Jesoiya 13:19, 20, un no shvetzet veyyich deah question:
-
Vi voah deah prophecy folfild?
Babylon is alsnoch en haufa shtay in Iraq
6. Di Bivvel hott ksawt funn sacha es miah sayna zayla in unsah dawk
Di Bivvel sawkt miah sinn am layva in “di letshta dawwa.” (2 Timotheus 3:1) Gukk moll vass di Bivvel ksawt hott veyyich di letshta dawwa.
Layset Matthäus 24:6, 7, un no shvetzet veyyich deah question:
-
Vass hott di Bivvel ksawt veyyich di letshta dawwa?
Layset 2 Timotheus 3:1-5, un no shvetzet veyyich dee questions:
-
Vi hott di Bivvel ksawt es leit aekta zayla in di letshta dawwa?
-
Vels funn dee attitudes saynsht du in leit?
DAYL LEIT SAWWA: “Ma kann nett alles glawva in di Bivvel.”
-
Vass prooft zu dich es du di Bivvel glawva kansht?
VASS MIAH GLAND HENN
History, science, un prophecy veist es du di Bivvel glawva kansht.
Review
-
Is di Bivvel aekshli voah?
-
Vann dutt science agreeya mitt di Bivvel?
-
Denksht du es di Bivvel uns sawkt vass haebna zayld in da future? Favass, adda favass nett?
MAY AUSFINNA
Sinn’s mistakes in di Bivvel?
Vass sawkt di Bivvel veyyich “di letshta dawwa?”
“6 Prophecies in di Bivvel es Miah Sayna Haebna Heit” (Da Vatshtavvah, May 1, 2011)
Lann vi prophecies in di Bivvel veyyich da Greek Empire voah kumma sinn.
Lann vi prophecies in di Bivvel ay mann kolfa hott.
“Ich Habb Nett Geglawbt In Gott” (Da Vatshtavvah No. 5 2017)
