Woaren dee, waut jestorwen sent, oppstonen?
Wurscht du sajen, . . .
-
dee woaren oppstonen?
-
dee woaren nich oppstonen?
-
ekj sie mie nich secha, aus dee woaren oppstonen?
WAUT DE SCHREFT SAJCHT
“De jerajchte uk de ojjerajchte [woaren] vom Doot oppstonen” (Aposteljeschicht 24:15, De Plautdietsche Bibel).
WAUT FA EENEN NUTZEN HAFT DAUT FA DIE, DAUT TO WEETEN?
Du woascht Troost kjrieen, wan doa wäa jestorwen es, dän du väl jeräakjent hast (2. Korinta 1:3-4).
Du woascht nich äwamotich Angst haben fa stoawen (Hebräa 2:15).
Du kaust die secha sennen, daut du diene Vewaunte un Frind, waut jestorwen sent, wadaseenen woascht (Johanes 5:28-29).
WUAROM KJENN WIE ONS OPP DE SCHREFT VELOTEN?
Daut jeft oppet weinichste dree Jrind:
-
Gott haft ons daut Läwen jejäft. En de Schreft sajcht daut von Jehova Gott: “Du best dee, von däm aulet Läwen kjemt” (Psalm 36:10; Aposteljeschicht 17:24-25). Jehova haft aulet Läwen jemoakt, fa am es daut kjeene groote Sach, de Vestorwne wada toom läwen to brinjen.
-
Gott haft ea aul Menschen vom Doot oppjewakjt. En de Schreft läs wie von acht Menschen, waut hia oppe Ieed vom Doot oppjestonen sent. Daut wieren junge un oole, Maunsmenschen un Frumenschen. Waut von dee wieren noch mol jroz jestorwen, oba eena wia aul vea Doag doot jewast (Johanes 11:39-44).
-
Gott well de Vestorwne jieren oppwakjen. Jehova es dän Doot sea jäajenaun. Fa am es daut een Fient un hee woat met dän een Enj moaken (1. Korinta 15:26). Gott woat von de Vestorwne nich vejäten, hee haft “een velangen” doano, dee vom Doot opptowakjen, daut dee kjennen oppe Ieed läwen (Hiob 14:14-15).
ÄWALAJ MOL
Wuarom woa wie oolt un stoawen?
De Auntwuat es en de Schreft to finjen, en 1. MOSE 3:17-19 un REEMA 5:12.
Veleicht jleichst du uk dit
WICHTJE BIBLISCHE LIEREN
Waut es met dee, waut jestorwen sent?
De Schreft vesprakjt, daut doa eene Tiet kjemt, wua väl Menschen woaren vom Doot oppstonen, soo aus daut bie Lazarus wia.
WAUT SAJCHT DE SCHREFT ÄWA ...?
Waut es daut oppstonen von de Doodes?
Du woascht die veleicht wundren, wäm aula woat vom Doot oppjewakjt woaren.
MEA ÄWA ONS
Wuarom loont sikj daut, de Bibel studieren?
De Bibel haft aul millionende Menschen jeholpen. Dee kaun die uk halpen!
BIBLISCHE LIEREN
Fang een Bibelstudium aun
Du kaust een Studium haben met dienen ieejnen Bibelliera un daut kost nuscht.
