Wäa haft de Schult?
Waun daut Lieden nich von Gott kjemt, wäa veuasoakt dan aul soont, aus groote Hungaschnoot, Oamoot, groote Kjriej, schlemme Krankheiten un Owwadasch? Gott sien Wuat, de Bibel, wiest ons dree Hauptuasoaken, wuarom Menschen lieden motten:
Ekjich sennen, Bejia un Hauss. Daut es toom schoden, “wan eena äwa dän aundren rejieet” (Liera 8:9). Menschen lieden foaken, wäajen dee schlajcht behaundelt woaren von onvolkomne, ekjsennje un jewaultsome Menschen.
Tiet un Sachen, wua eena nich met räakjent. Foaken motten Menschen lieden, wiels “Tiet un Jlekj spälen emma eene Roll” (Liera 9:11). Daut meent, Menschen sent to de orrajchte Tiet oppe orrajchte Städ. Ojjlekjs passieren eefach ooda Menschen sent onväasechtich un moaken Fäla.
De schlajchta Harscha äwa de Welt. De Schreft moakt gaunz kloa, waut de jratste Uasoak es, daut Menschen lieden motten. Dee sajcht, “daut de gaunze Welt vom beesen beharscht woat” (1. Johanes 5:19). Dis Beesa, es de Soton de beesa Fient. Hee wia ea eena von Gott siene Enjel, oba “bleef nich enne Woarheit” (Johanes 8:44, NTR). Aundre Enjel stalden sikj opp dän Soton siene Sied un stalden sikj jäajen Gott, om äare ieejne Wenschen notogonen un muaken sikj doaderch to beese Jeista (1. Mose 6:1-5). Von dan aun haben dise beese Jeista äare schlajchte Macht noch emma äwa de Welt utjeeeft. Daut es besonda en onse Tiet entowoaren. De Soton haft eene groote Wutt un veleit de gaunze Welt, wuaderch daut oppe Ieed väl Weedoag jeft (Openboarunk 12:9, 12). Gaunz kloa, de Soton es een Grausoma Harscha un haft groote Freid doaraun, wan Menschen lieden. Wäa daut veuasoakt, daut Menschen lieden, es de Soton! Nich Gott.
DENKJ MOL ÄWA NO: Bloos een Beesa un Jefeelsloosa wudd daut met Fliet veuasoaken, daut oschuldje Menschen lieden motten. Oba von Gott sajcht de Bibel krakjt daut Jäajendeel. Dee sajcht: “Gott es Leew” (1. Johanes 4:8, JHF). Wiels Gott Leew es, kjenn wie ons secha sennen, daut Gott daut nich veuasoakt, daut Menschen lieden, oba daut de Rechta fa de gaunze Ieed rajcht haundlen woat (1. Mose 18:25).
Oba woomäajlich denkjst du: Woo lang woat de aulmajchtja Gott dän Soton noch loten rejieren un schlajchtet doonen? Soo aus wie jeseenen haben, haust Gott daut beese un am deit daut wee, wan wie lieden motten. Sien Wuat rot ons uk too: “Schmiet aul june Sorjen opp am; hee sorcht fa junt” (1. Petrus 5:7). Gott leeft ons un hee haft de Macht, met aulet Lieden un Ojjerajchtichkjeit een Enj to moaken. Daut woa wie en dän näakjsten Artikjel seenen. *
^ Varsch 7 En daut Buak Een scheenet Läwen fa emma!, Kapitel 26 finjst du noch mea doaräwa, wuarom daut soo väl Lieden jeft. Daut es bie Jehova siene Zeijen to haben ooda em Internet opp www.pr2711.com.
Veleicht jleichst du uk dit
DE WOAKTORM
Gott woat met daut Lieden boolt een Enj moaken
Woo kjenn wie weeten, daut Goot boolt met aul daut Lieden un Ojjerajchtichkjeit een Enj moaken woat?
WAUT SAJCHT DE SCHREFT ÄWA ...?
Jeft daut dän beesen Fient opp iernst?
Es de beesa Fient bloos de schlajchte Natua en ons ooda es hee werkjlich eene Persoon?
