نوجواناں دے سوال
مینوں بپتسمے توں بعد کیہہ کرنا پئے گا؟—پہلا حصہ: یہوواہ نال اپنی دوستی مضبوط کردے رہوو
کسے قیمتی چیز جیویں کہ گھر یاں گڈی دا دھیان رکھن لئی توانوں سخت محنت کرنی پیندی اے۔ ایسے طرحاں یہوواہ نال اپنی دوستی نُوں مضبوط کرن لئی وی توانوں سخت محنت کرنی پووے گی۔ بپتسمے توں بعد یہوواہ نال اپنی دوستی نُوں مضبوط کرن لئی تُسی کیہہ کر سکدے او؟
ایس مضمون چ:
خدا دے کلام تے سوچوچار کردے رہوو
پاک کلام دا اصول: ہر طرحاں دا چنگا کم کردے ہوئے خدا بارے صحی علم چ ودھدے جاؤ۔—کُلسّیوں 1:10۔
ایہدا کیہہ مطلب اے: بپتسمے توں بعد پاک کلام نُوں پڑھدے رہوو تے سکھیاں ہوئیاں گلاں تے سوچوچار کر دے رہوو۔—زبور 25:4؛ 119:97۔
کیہہ ہو سکدا اے: کدی کدار شاید تواڈا بائبل پڑھن نُوں دل نہ کرے۔ ایس لئی شاید تُسی سوچو کہ مطالعیا کرنا تواڈے وَس دی گل نئیں اے۔
تُسی کیہہ کر سکدے او: بائبل چوں کسے ایہو جہے موضوع بارے جانن دی کوشش کرو جیہڑا توانوں پسند اے۔ سوچو کہ تُسی ایس موضوع بارے تحقیق کرن لئی کیہڑیاں کتاباں پڑھ سکدے او تے کیہڑیاں ویڈیوز ویکھ سکدے او تے اِنج کرن لئی وقت کڈھو۔ یاد رکھو کہ بائبل تے سوچ وچار کرن دا مقصد ایہہ وے کہ تُسی اپنے دل چ یہوواہ تے اوہدے کلام لئی ہور زیادہ محبت پیدا کرو۔ اِنج توانوں فائدہ ہوئے گا تے مزہ وی آئے گا۔—زبور 16:11۔
مشورہ: بائبل تے سوچ وچار کرن لئی کوئی ایہو جہی جگہ چُنو جتھے زیادہ شور نہ ہوئے تے تواڈا دھیان وی نہ بھٹکے۔ اِنج کرن نال توانوں ہور زیادہ فائدہ ہوئے گا۔
ہور مدد لئی:
ایہہ مضمون پڑھو:
”بائبل میری مدد کیویں کر سکدی اے؟—دُوجا حصہ: بائبل پڑھائی نُوں دلچسپ بناؤ“
ایہہ ویڈیو ویکھو:
ایہہ ڈاؤنلوڈ کرو:
یہوواہ کولوں دُعا کردے رہوو
پاک کلام دا اصول: کسے گل بارے پریشان نہ ہووو سگوں ہمیشاں خدا کولوں دُعا کرو۔ ہر معاملے چ رہنمائی لئی اوہدے کولوں اِلتجا کرو تے اوہدی شکرگزاری کردے رہوو۔—فِلپّیوں 4:6۔
ایہدا کیہہ مطلب اے: یہوواہ دے نیڑے جان لئی ضروری اے کہ تُسی اوہدی گل سنو تے اوہدے نال گل کرو۔ جدوں تُسی اوہدا کلام پڑھدے او تے تُسی اوہدی گل سُن رہے ہوندے او تے جدوں تُسی اوہدے کولوں دُعا کردے او تے تُسی اوہدے نال گل کر رہے ہوندے او۔ دُعا چ تُسی یہوواہ کولوں مدد منگ سکدے او تے اوہدے وَلّوں مِلن والیاں برکتاں لئی اوہدا شکر کر سکدے او۔
کیہہ ہو سکدا اے: کدی کدار شاید توانوں محسوس ہوئے کہ تُسی یہوواہ نال دل کھول کے گل نئیں کر رہے۔ ہو سکدا اے کہ تُسی ایہہ سوچن لگ پووو کہ ”کیہہ یہوواہ میریاں دُعاواں سُن وی رہیا اے یاں نئیں۔“—زبور 10:1
تُسی کیہہ کر سکدے او: ایہو جہیاں گلاں بارے سوچو جنہاں بارے تُسی دُعا کر سکدے او۔ فیر تُسی دل کھول کے یہوواہ کولوں دُعا کر سکو گے۔ جے تُسی کسے ویلے لمی دُعا نئیں کر سکدے تے تُسی بعد چ اِنج کر سکدے او۔ نالے تُسی دُوجیاں لئی وی دُعا کر سکدے او۔—فِلپّیوں 2:4۔
مشورہ: جے توانوں لگدا اے کہ تُسی یہوواہ کولوں دل کھول کے دُعا نئیں کر رہے تے ایہدے بارے وی اوہنوں دَسو۔ یہوواہ تواڈی ہر پریشانی تے مشکل بارے جاننا چاہندا اے۔—1-یوحنا 5:14۔
ہور مدد لئی:
ایہہ مضمون پڑھو:
ایہہ ڈاؤنلوڈ کرو:
مُنادی کردے رہوو
پاک کلام دا اصول: اپنی شخصیت تے اپنی تلیم تے دھیان دے۔ اِنج تُوں اپنے آپ نُوں تے اوہناں لوکاں نُوں بچا لَویں گا جیہڑے تیری گل سُن دے نیں۔—1-تیمُتھیُس 4:16۔
ایہدا کیہہ مطلب اے: جدوں تُسی دُوجیاں نُوں پاک کلام دِیاں سچائیاں بارے دَسدے او تے ایہناں تے تواڈا اپنا ایمان وی مضبوط ہوندا اے۔ اِنج صرف اوہناں لوکاں نُوں ای نئیں سگوں توانوں وی نجات مِل سکدی اے۔
کیہہ ہو سکدا اے: کدی کدار شاید تواڈا دل نہ کرے کہ تُسی دُوجیاں نُوں پاک کلام دِیاں سچائیاں بارے دَسو۔ ہو سکدا اے کہ توانوں اِنج کردے ویلے ڈر لگے خاص کر سکول چ۔
تُسی کیہہ کر سکدے او: پکا ارادہ کرو کہ تُسی ڈر دی وجہ توں دُوجیاں نُوں گواہی دین توں پچھے نئیں ہٹو گے۔ پولُس رسول نے کہیا: جے مَیں خوشخبری سُنان دا کم اپنی مرضی دے خلاف وی کراں تے فیر وی مینوں خوشخبری سُنان دی ذمےداری دِتی گئی اے۔—1-کُرنتھیوں 9:16، 17۔
مشورہ: اپنے امیابو کولوں اجازت لے کے کسے ایہو جہے بھین یاں بھرا کولوں مدد لوو جیہڑا بڑے چنگے طریقے نال مُنادی کردا اے۔—اَمثال 27:17۔
ہور مدد لئی:
عبادتاں تے جاندے رہوو
پاک کلام دا اصول: آؤ اِک دُوجے بارے سوچدے رہیے تاکہ اِک دُوجے نُوں محبت تے چنگے کم کرن دی ہلاشیری دے سکئے تے اِک دُوجے نال جمع ہون چ ناغہ نہ کرئیے۔—عبرانیوں 10:24، 25۔
ایہدا کیہہ مطلب اے: اَسی کلیسیا دے بھین بھراواں نال ایس لئی جمع ہنے آں تاکہ اَسی یہوواہ دی عبادت کر سکئے۔ پر عبادتاں تے جان نال دو ہور فائدے وی ہوندے نیں۔ پہلا ایہہ کہ بھین بھراواں نُوں مِل کے توانوں حوصلہ مِلدا اے۔ دُوجا ایہہ کہ عبادتاں تے جا کے تے ایہناں چ حصہ لے کے تُسی بھین بھراواں دا حوصلہ ودھا سکدے او۔—رومیوں 1:11، 12۔
کیہہ ہو سکدا اے: کدی کدار شاید عبادت توں تواڈا دھیان ہٹ جائے جدی وجہ توں تُسی اہم گلاں نُوں نہ سُن سکو۔ ہو سکدا اے کہ تُسی سکول دے کم یاں کسے ہور وجہ توں عبادت تے نہ جا سکو۔
تُسی کیہہ کر سکدے او: ایہہ سچ اے کہ سکول دی پڑھائی ضروری اے پر عبادتاں وی ضروری نیں۔ ایس لئی ایہہ عزم کرو کہ بھانویں کجھ وی ہو جائے، تُسی عبادتاں تے ضرور جاؤ گے تے ایہناں توں پورا فائدہ حاصل کرو گے۔ عبادتاں چ حصہ لین لئی جواب دَوو۔ عبادت توں بعد کسے ایہو جہے بھین یاں بھرا دی تعریف ضرور کرو جدا حصہ یاں جواب توانوں چنگا لگیا اے۔
مشورہ: تیاری کر کے عبادت تے جاؤ۔ اپنے فون یاں ٹیبلٹ چ ”جےڈبلیو لائبریری“ ڈاؤنلوڈ کرو تے ایہدے چ ویکھو کہ عبادت تے کیس بارے گل کیتی جائے گی۔
ہور مدد لئی:
ایہہ مضمون پڑھو:
”سانوں یہوواہ دے گواہواں دِیاں عبادتاں چ کیوں جانا چاہیدا اے“
ایہہ وی ویکھو
نوجواناں دے سوال
مینوں بپتسمے توں بعد کیہہ کرنا پئے گا؟—دُوجا حصہ: یہوواہ خدا دے وفادار رہوو
ویکھو کہ تُسی اپنی زندگی یہوواہ دے ناں کر دے ویلے اوہدے نال کیہہ وعدہ کیتا سی تے تُسی اوس وعدے نُوں کیویں پورا کر سکدے او۔
نوجواناں دے سوال
بائبل میری مدد کیویں کر سکدی اے؟—دُوجا حصہ: بائبل پڑھائی نُوں دلچسپ بناؤ
پنج مشورے جناں تے عمل کر کے تُسی بائبل چ لکھے واقعیاں نُوں اِنج پڑھ سکدے او جیویں ایہہ تواڈی اکھاں دے سامنے ہو رہے ہون۔
نوجواناں دی رائے
نوجوان بائبل پڑھن بارے اپنی رائے دَسدے نیں۔
پڑھنا ہمیشاں اسان نئیں ہوندا پر بائبل پڑھنا ہمیشاں فائدےمند ہوندا اے۔ چار نوجوان دَسدے نیں کہ اوہناں نُوں بائبل پڑھن نال کیہڑے فائدے ہوندے نیں۔
نوجواناں دی رائے
میری پچھان کیہہ اے؟
اِک پُختہ مسیحی بنن نال تُسی چنگی طرحاں مسئلیاں دا سامنا کر سکو گے۔
نوجواناں دی رائے
زندگی دی بہترین راہ
کیہہ تُسی اپنی زندگی توں خوش تے مطمئن رہنا چاہندے او؟ ویکھو کہ اِک کڑی اِک ایہو جیہی جگہ تے زندگی گزار کےاینی مطمئن کیوں اے جدے بارے اوہنے کدی سوچیا وی نئیں سی۔
