لُوقا دی اِنجیل 3:1-38
3 بادشاہ تِبریُس دے پندرہویں سال چ جدوں پُنطیُس پیلاطُس یہودیہ دا حاکم سی، ہیرودیس* گلیل دا حاکم سی تے اوہدا بھرا فِلپّس اِتوریہ تے تراخونیتس دا حاکم سی تے لِسانیاس ابِلینے دا حاکم سی
2 تے حنّا وڈا کاہن سی تے کائفا اعلیٰ کاہن سی، اوہدوں خدا نے زکریاہ دے پُتر یوحنا نُوں ویرانے چ اپنا پیغام دِتا۔
3 ایس لئی یوحنا دریائےیردن دے آلے دَوالے دے سارے علاقیاں چ جا کے ایہہ مُنادی کرن لگ پیا کہ لوکاں نُوں بپتسمہ لے کے ثابت کرنا چاہی دا اے کہ اوہناں نے اپنے گُناہواں توں توبہ کر لئی اے تاکہ اوہناں نُوں معافی ملے۔
4 اِنج ایہہ پیشینگوئی پوری ہوئی جیہڑی یسعیاہ نبی دی کتاب چ لکھی اے: ”ویرانے چ کوئی اُچی آواز چ کہہ رہیا اے: ”یہوواہ دا رستہ تیار کرو۔ اوہدیاں راہواں نُوں پدھرا کرو۔
5 ہر کھائی بھری جائے، ہر پہاڑ تے پہاڑی نُوں پدھرا کیتا جائے۔ ہر ٹیڈھی راہ نُوں سِدھا کیتا جائے تے اُچی نیویں راہ نُوں پدھرا کیتا جائے
6 تے سارے انسان اوہنوں ویکھن گے جدے ذریعے خدا نجات دَوے گا۔““
7 بوہت سارے لوک یوحنا کولوں بپتسمہ لین لئی آ رہے سن۔ اوہ اوہناں نُوں کہندا سی: ”اَے سَپ دے بچیو، توانوں کنہے کہیا اے کہ تُسی خدا دے آن والے قہر توں بچن دی کوشش کرو؟
8 تُسی اپنے کماں توں ثابت کرو کہ تُسی توبہ کر لئی اے۔ ایہہ نہ سوچو کہ ”ساڈا پیو تے ابراہام اے“ کیونکہ مَیں توانوں کہنا واں کہ خدا ایہناں پتھراں توں وی ابراہام لئی اولاد پیدا کر سکدا اے۔
9 اصل چ کوہاڑا درختاں دِیاں جڑاں اُتے رکھیا ہویا اے۔ جیہڑا وی درخت چنگا پھل نئیں دیندا، اوہنوں وڈھ کے اَگ چ سُٹ دِتا جائے گا۔“
10 ایس لئی لوک اوہنوں پچھدے سن: ”فیر سانوں کیہہ کرنا چاہی دا اے؟“
11 اوہ اوہناں نُوں کہندا سی: ”جیس بندے کول دو کُرتے نیں،* اوہ اِک اوہنوں دے دَوے جدے کول اِک وی نئیں اے تے جدے کول کھان لئی ہے وے، اوہ دُوجیاں نال وَنڈ کے کھائے۔“
12 ایتھوں تک کہ ٹیکس لین والے وی اوہدے کول بپتسمہ لین آئے تے اوہنوں پچھیا: ”اُستاد، سانوں کیہہ کرنا چاہی دا اے؟“
13 اوہنے اوہناں نُوں کہیا: ”لوکاں کولوں اوناں ای ٹیکس لوو جِنّاں بن دا اے۔“
14 فوجی وی اوہنوں پچھدے سن: ”سانوں کیہہ کرنا چاہی دا اے؟“ اوہ اوہناں نُوں کہندا سی: ”کسے نُوں دھمکی نہ دَوو* تے کسے تے جھوٹھے اِلزام نہ لاؤ سگوں تُسی جِنّاں کماندے او،* اوہدے تے ای راضی رہوو۔“
15 اوس ویلے لوک مسیح دے آن دا اِنتظار کر رہے سن تے اپنے دِلاں چ یوحنا بارے سوچدے سن: ”کِتے ایہہ مسیح تے نئیں؟“
16 یوحنا نے اوہناں ساریاں نُوں جواب دِتا: ”مَیں توانوں پانی نال بپتسمہ دینا واں۔ پر جیہڑا میرے بعد آ رہیا اے، اوہدے کول میرے نالوں بوہتا اِختیار اے۔ مَیں تے اوہدی جُتی دے تسمے کھولن دے لائق وی نئیں۔ اوہ توانوں پاک روح تے اَگ نال بپتسمہ دَوے گا۔
17 اوہدا چھج* اوہدے ہتھ وچ اے تے اوہ اپنے کھلیان نُوں بالکل صاف کر دے گا۔ اوہ کنک نُوں اپنے گودام چ جمع کرے گا، پر تُوڑی نُوں ایہو جہی اَگ چ ساڑے گا جیہڑی بجھائی نئیں جا سکدی۔“
18 یوحنا لوکاں نُوں نصیحتاں کردا رہیا تے اوہناں نُوں خوشخبری سُناندا رہیا۔
19 نالے اوہنے گلیل دے حاکم ہیرودیس نُوں وی جِھڑکیا کیونکہ اوہنے اپنی بھابی ہیرودیاس نُوں رکھ لیا سی تے ہور وی بڑے بھیڑے کم کیتے سن۔
20 اوہنے اِک ہور بھیڑا کم کیتا یعنی یوحنا نُوں جیل چ پا دِتا۔
21 جدوں سارے لوک بپتسمہ لے رہے سن تے یسوع نے وی بپتسمہ لیا۔ جدوں اوہ دُعا کر رہیا سی تے اسمان کُھل گیا
22 تے پاک روح کبوتر دی شکل چ اوہدے اُتے آئی تے اسمان توں ایہہ آواز آئی: ”تُوں میرا پیارا پُتر ایں۔ مَیں تیرے توں خوش آں۔“
23 جدوں یسوع نے تلیم دینی شروع کیتی تے اوہ تقریباً 30سال دا سی۔ اوہدے بارے لوکاں دا خیال سی کہ اوہیوسف دا پُتر سی،جیہڑا عیلی دا پُتر سی،
24 جیہڑا متات دا پُتر سی،جیہڑا لاوی دا پُتر سی،جیہڑا مَلکی دا پُتر سی،جیہڑا ینّا دا پُتر سی،جیہڑا یوسف دا پُتر سی،
25 جیہڑا متتیاہ دا پُتر سی،جیہڑا عاموس دا پُتر سی،جیہڑا ناحوم دا پُتر سی،جیہڑا اسلیاہ دا پُتر سی،جیہڑا نوگہ دا پُتر سی،
26 جیہڑا ماعت دا پُتر سی،جیہڑا متتیاہ دا پُتر سی،جیہڑا شمعی دا پُتر سی،جیہڑا یوسیخ دا پُتر سی،جیہڑا یوداہ دا پُتر سی،
27 جیہڑا یوحنا دا پُتر سی،جیہڑا ریسا دا پُتر سی،جیہڑا زرُبابل دا پُتر سی،جیہڑا سیالتیایل دا پُتر سی،جیہڑا نیری دا پُتر سی،
28 جیہڑا مَلکی دا پُتر سی،جیہڑا ادی دا پُتر سی،جیہڑا قوسام دا پُتر سی،جیہڑا اِلمودام دا پُتر سی،جیہڑا عیر دا پُتر سی،
29 جیہڑا یسوع دا پُتر سی،جیہڑا اِلیعزر دا پُتر سی،جیہڑا یوریم دا پُتر سی،جیہڑا متات دا پُتر سی،جیہڑا لاوی دا پُتر سی،
30 جیہڑا شمعون دا پُتر سی،جیہڑا یہوداہ دا پُتر سی،جیہڑا یوسف دا پُتر سی،جیہڑا یونام دا پُتر سی،جیہڑا اِلیاقیم دا پُتر سی،
31 جیہڑا ملیاہ دا پُتر سی،جیہڑا مناہ دا پُتر سی،جیہڑا متتاہ دا پُتر سی،جیہڑا ناتن دا پُتر سی،جیہڑا داؤد دا پُتر سی،
32 جیہڑا یسی دا پُتر سی،جیہڑا عوبید دا پُتر سی،جیہڑا بوعز دا پُتر سی،جیہڑا سلمون دا پُتر سی،جیہڑا نحسون دا پُتر سی،
33 جیہڑا عمینَداب دا پُتر سی،جیہڑا ارنی دا پُتر سی،جیہڑا حصرون دا پُتر سی،جیہڑا فارص دا پُتر سی،جیہڑا یہوداہ دا پُتر سی،
34 جیہڑا یعقوب دا پُتر سی،جیہڑا اِضحاق دا پُتر سی،جیہڑا ابراہام دا پُتر سی،جیہڑا تارح دا پُتر سی،جیہڑا نحور دا پُتر سی،
35 جیہڑا سروج دا پُتر سی،جیہڑا رعو دا پُتر سی،جیہڑا فلج دا پُتر سی،جیہڑا عبر دا پُتر سی،جیہڑا سلح دا پُتر سی،
36 جیہڑا قینان دا پُتر سی،جیہڑا ارفکسد دا پُتر سی،جیہڑا سم دا پُتر سی،جیہڑا نوح دا پُتر سی،جیہڑا لمک دا پُتر سی،
37 جیہڑا متوسلح دا پُتر سی،جیہڑا حنوک دا پُتر سی،جیہڑا یارِد دا پُتر سی،جیہڑا مہللایل دا پُتر سی،جیہڑا قینان دا پُتر سی،
38 جیہڑا انوس دا پُتر سی،جیہڑا سیت دا پُتر سی،جیہڑا آدم دا پُتر سی،جیہڑا خدا دا پُتر سی۔
فٹ نوٹ
^ یعنی ہیرودیس انتپاس۔
^ یاں، ”اِک وادھو کُرتا اے۔“
^ یاں، ”تنگ نہ کرو، نہ لُٹو۔“
^ یاں، ”توانوں جو کجھ وی مِلدا اے۔“
^ اِک قسم دا اوزار جدے نال کنک نُوں تُوڑی توں وَکھ کیتا جاندا اے۔
