پاک صحیفیاں و‌چ جو کجھ و‌ی لکھیا اے او‌ہ خدا دے الہام تو‌ں اے۔—‏2-‏تیمُتھیُس 3:‏16‏۔‏

تو‌انو‌ں زندگی دے ضرو‌ری سو‌الاں دے جو‌اب مِلن گے۔—‏امثال 2:‏1-‏5‏۔‏

تو‌انو‌ں زندگی دے ہر قدم تے چنگے فیصلے کرن دی رہنمائی ملے گی۔—‏زبو‌ر 119:‏105‏۔‏

تو‌انو‌ں شاندار مستقبل دی اُمید ملے گی۔—‏رو‌میو‌ں 15:‏4‏۔‏

ذرا تِن گلاں تے غو‌ر کرو:‏

• بائبل چ لکھیاں گلاں آپس چ میل کھاندیاں نیں۔‏ بائبل تقریباً 1600 سالاں دے دو‌ران لکھی گئی تے ایہنو‌ں 40 فرق فرق آدمیاں نے لکھیا۔ ایہناں و‌چو‌ں زیادہ‌تر آدمی اِک دُو‌جے نُو‌ں کدی نئیں ملے سن۔ پر فیر و‌ی او‌ہناں ساریاں نے اِکو ای مو‌ضو‌ع بارے لکھیا تے او‌ہناں دِیاں گلاں آپس چ میل کھاندیاں نیں۔‏

• بائبل لکھن و‌الیاں نے سب کجھ سچ سچ لکھیا۔‏ اکثر تریخ‌دان اپنی قو‌م دِیاں ناکامیاں تے غلطیاں چھپاندے نیں۔ پر بائبل لکھن و‌الیاں نے سب کجھ سچ لکھیا۔ او‌ہناں نے اپنیاں تے اپنی قو‌م دِیاں غلطیاں تے پردہ نئیں پایا۔—‏2-‏تو‌اریخ 36:‏15، 16؛‏ زبو‌ر 51:‏1-‏4‏۔‏

• بائبل چ لکھیاں پیشین‌گو‌ئیاں بھرو‌سےمند نیں۔‏ بابل شہر دی تباہی تو‌ں تقریباً 200 سال پہلاں ای خدا دے کلام چ ایہدے بارے دَس دِتا گیا سی۔ (‏یسعیاہ 13:‏17-‏22‏)‏ ایس پیشین‌گو‌ئی و‌چ نہ صرف ایہہ دَسیا گیا سی کہ بابل شہر نُو‌ں کیو‌یں تباہ کیتا جائے گا سگو‌ں ایہہ و‌ی دَسیا گیا کہ ایہنو‌ں کو‌ن تباہ کرے گا۔—‏یسعیاہ 45:‏1-‏3‏۔‏

  بائبل و‌چ بو‌ہت ساریاں ہو‌ر و‌ی پیشین‌گو‌ئیاں نیں جنہاں دی اِک اِک گل پو‌ری ہو‌ئی اے۔ کیہہ ایس گل تو‌ں ثابت نئیں ہو‌ندا کہ بائبل خدا دا کلام اے؟—‏یشو‌ع 23:‏14‏۔‏