1. Se kin esehla limpoak sang Siohwa

Oh met kin kaweid kiht.

Soahng kan koaros me E ketin wiahdahr

Kasalehda elen limpoak.

E kihdanah Ohl me E keieu poakohng

Ong pwainla dihp kan, mahkpen at sapwung kan.

Met kasalepen limpoak me keieu laud!

Ahl en limpoak, en Koht ahl limpoak.

2. Ni at idawehn sapwel’me ahl limpoak

At limpoak pahn mehlel,

Oh kamwakid kiht en poakohng riat kan,

Me mah oh kapw, irail koaros.

Limpoak ong at Koht oh riat kan koaros,

Sen kapwaiada kosonned riau ’kat.

Sapwung en riat, se kin mwadang mahkohng,

Kadehdehda at limpoak mehlel.

3. At limpoak mehlel kin kaminimin kiht

Nin duwen peneinei.

Samat nanleng kin luke kiht ni kadek:

“Song oh kilang minimin wet.”

Iang paiki limpoak oh peren me mi reht;

Sapwel’me Mahsen, me kamwahwihkihtla.

Riat kan mi reht pwehn katamankin kiht,

Eh ahl limpoak. Siohwa limpoak.