Siohwa ketin kupwurki kitail en esehla duwen sapwellime peneinei nanleng. Peneinei wet kin iangahki tohnleng kan me pil kin adaneki ‘nein Koht kan.’ (Senesis 6:2; Sohp 38:7) Dahme Paipel kin mahsaniheki duwen tohnleng kan? Dahme irail kin wia? Oh tohnleng kan koaros kisehn sapwellimen Koht peneinei?

1. Ihs tohnleng kan?

Siohwa ketin kapikada tohnleng kan mwohn eh ketin wiahda sampah. Duwehte ih, irail ngehn ekei me kin kousoan nanleng. (Ipru 1:14) Mie tohnleng rar kei, oh emenemen ahneki irair kan me wekpeseng. (Kaudiahl 5:11) Re kin kapwaiada oh “peikiong . . . [sapwellimen Siohwa] mahsen kan!” (Melkahka 103:20) Mahso, ekei pak Siohwa kin ketin poaronehla tohnleng kan ren lohki sapwellime rohng kan oh sewese oh kapitala sapwellime aramas akan. Rahnwet, tohnleng kan kin kaweid Kristian kan ren kohla rehn aramas akan me men esehla duwen Koht.

2. Ihs Sehdan oh nah ngehn suwed kan?

Ekei tohnleng kan sohla lelepek ong Siohwa. Tepin tohnleng me uhwongadao kin “adaneki Tepil oh Sehdan, me kin pitipitih sampah pwon.” (Kaudiahl 12:9) Sehdan men kaunda meteikan, kahrehda e kasonge tepin aramas ko oh mwuhr tohnleng teikan pwe ren iangala eh uhwongo. Irail tohnleng uhwong pwukat kin adaneki ngehn suwed kan. Siohwa ketin kausirailsang nanleng kohdihdo nin sampah, oh irail pahn kamwomwmwomwla.​—Wadek Kaudiahl 12:9, 12.

3. Ia duwen Sehdan oh ngehn suwed kan ar kin song en pitih kitail?

Sehdan oh ngehn suwed kan kin pitiheki aramas tohto wunahni, me iei wiewia suwed ehu me kin song koasoiong ngehn akan. Karasepe, aramas akan kin kohla tuhwong sounkasawih usu kan, sounkosetipw kan oh sounwunahni kan. Meteikan kin rapahki epwelpen wini me kin pidada wunahni. Sehdan oh ngehn suwed kan kin pitiheki aramas akan en kamehlele me re kak koasoiong me melahr akan. Ahpw Siohwa ketin kalekehkin kitail: “Kumwail dehr kohla rehn me kin katieni kan.” (Lipai 19:31) E ketin kalekehkin kitail met pwehn perekitailsang Sehdan oh ngehn suwed kan. Irail sapwellimen Koht imwintihti oh re men kamedekeikitailla.

 KALAUDEHLA OMW ESE MET

6. Kana ni omw peiong Sehdan oh nah ngehn suwed kan

Sehdan me kin kaun ngehn suwed kan. Ahpw Maikel, tohnleng me keieu lapalap, me kin kaweid tohnleng lelepek kan. Maikel iei pil ehu mwaren Sises. Ia uwen kehlail en Maikel? Wadek Kaudiahl 12:7-9, oh mwuri koasoiapene peidek pwukat:

• Ihs me keieu kehlail? Maikel oh nah tohnleng kan de Sehdan oh nah ngehn suwed kan?

• Ke medewe me sapwellimen Sises tohnpadahk kan anahne masak Sehdan oh nah ngehn suwed kan?

Ke kak kana ni omw peiong Sehdan oh nah ngehn suwed kan. Wadek Seims 4:7, oh mwuri koasoiapene peidek wet:

• Ia duwen omw kak pereiukasang Sehdan oh ngehn suwed kan?

 DAHME KE SUKUHLKIER

Tohnleng lelepek kan kin sewese kitail. Sehdan oh nah ngehn suwed kan wia sapwellimen Siohwa imwintihti oh re kin doadoahngki wunahni pwehn pitih aramas akan.

Kousapahl

• Ia duwen sapwellimen Siohwa tohnleng kan ar kin sewese aramas akan ren esehla ih?

• Ihs Sehdan oh nah ngehn suwed kan?

• Dahme kahrehda ke men liksang wunahni?