Ñaupa tiempopi Diosqa allinpaj qhawaj kamachisnin ayuno ruwasqankuta, imajtinchus Dios munasqanman jina ruwaj kanku. Jinapis Diosmanqa mana gustajchu ayunota munasqankuman jinalla ruwajtinku. Bibliaqa mana kamachinchu nitaj jark’anchu kay tiempopi ayuno ruwayta.

•   Diospa yanapayninta, yuyaychaynintawan mask’anankupaj. Viajasqankumanta Jerusalenman kutipojkunaqa ayunarqanku, chayta ruwarqanku Diospa yanapayninta necesitasqankuta rikuchinankupaj (Esdras 8:21-23). Pablowan, Bernabewan wakin kutis ayunajraj kanku congregacionespaj ancianosta ajllanankupaj (Hechos 14:23).

•   Diospa munayninpi yuyanankupaj. Bautizakuytawankama Jesusqa tawa chunka p’unchayta ayunarqa, ajinamanta wakichisqa kananpaj Tatanpaj munayninta junt’ananpaj (Lucas 4:1, 2).

•   Juchasninkumanta pesachikusqankuta rikuchinankupaj. Diosqa profeta Joelnejta mana cheqa sonqo Israelitasman nerqa: “Noqaman tukuy sonqo kutirimpuychej, ayunota ruwaspa, waqaspa, qhaparikuspa ima” (Joel 2:12-15).

•   Juchasninku perdonasqa kananpaj. Diosqa Israelitasman kamachiyta qorqa, chaypitaj nisharqa watapi uj kutita ayunanankuta juchasninku perdonasqa kananpaj (Levítico 16:29-31). a Chay kutipi ayunota ruwasqankoqa allin karqa, imajtinchus Israelitasta yuyarichej pantaj runas kasqankuta, chayrayku Dios perdonananta necesitaj kanku.

•   Sumajpaj qhawachikuyta munaspa. Jesús yachacherqa ayunasqanchejtaqa ni pi yachanankuchu kasqanta, manaqa Dioslla (Mateo 6:16-18).

•   Cheqan runapaj qhawachikuyta munaspa. Ayunayqa mana tukuchiwasunmanchu aswan cheqan runaman (Lucas 18:9-14).

•   Juchanchejta pampachasqanta yuyaspalla (Isaías 58:3, 4). Diosqa ayunasqankuta sumajpaj qhawaj kasukuyniyoj kajtinku, juchankumanta tukuy sonqo pesachikojtinku ima.

•   Religionpi kamachikusqanrayku (Isaías 58:5-7). Diosqa uj Tata jina, wawasnin munakusqankutataj sonqomantapacha rikuchinankuta munan, manataj obligasqas jinachu.

 Mana. Diosqa Israelitasman kamacherqa ayunota ruwanankuta Perdonta Tarina Pʼunchaypi, chaywanpis chay kamachiyta tukuchiporqa Jesuspa wañuyninwan (Hebreos 9:24-26; 1 Pedro 3:18). Perdonta Tarina Pʼunchayqa Moisespa leyninmanta karqa, cristianosrí mana chay leypiñachu kanchej (Romanos 10:4; Colosenses 2:13, 14). Chayrayku sapa uj ajllayta atin ayunayta chayri mana (Romanos 14:1-4).

 Cristianosqa yachanku ayunotaqa mana ruwanapunichu kasqanta. Bibliaqa yachachin ayunayqa mana kusiypunichu kasqanta, chaywanpis Diosta yupaychaj cheqa cristianosqa kusikuyniyoj kasqankurayku rejsisqa kanku. Chaytaj rikuchin Jehová “kusikuyniyoj Dios” kasqanta (1 Timoteo 1:11; Eclesiastés 3:12, 13; Gálatas 5:22).

 Imatachus wakin runas creesqanku: Cristianosqa ayunananku tiyan Jesuspa wañuyninta yuyarikushaspa.

 Cheqa kaj: Jesusqa mana kamacherqachu discipulosninman, wañupusqan p’unchayta yuyarikuspa ayunanankuta (Lucas 22:14-18). Jesús yachachisqasninman nerqa ayunanankuta pay wañupojtin, chaywanpis mana uj kamachiyta jinachu churarqa, manaqa nisharqa imachus pasananmanta (Mateo 9:15). Biblia nisqanman jinaqa pichus yarqhachikojqa mikhuyta atinman karqa wasinpi niraj Jesuspa wañuyninta yuyarikushaspa (1 Corintios 11:33, 34).