Mana. Noqayku yachayku mana wasimanta wasi willamusqaykuraykuchu salvakunaykuta (Efesios 2:8). ¿Imaraykú?

 Kaypi tʼukuriy, uj kʼacha runa nin: “Noqa nisqaykichej maymanchus rinaykichejta, maykʼajchus chayman rinaykichejta ima. Sichus chayman rinkichej chayqa uj sumaj regalota qosqaykichej”, nispa. Chay runa atienekunapaj jina kajtin, nitaj jaykʼajpis llullakojtenqa, chay runaj nisqanman jina ruwasunman, ¿icharí? Chantapis chay lugarmanqa nichá noqallanchejchu risunman, astawanpis amigosninchejman, familiaresninchejman imachá willarisunman. Chaywanpis mana nisunmanchu chay runaj nisqanta kasukusqanchejraykulla chay regalota japʼinanchejpaj jina kasqanchejta imaraykuchus chay runaqa kʼacha kasqanraykulla chayta qowasunchej.

 Kikillantataj noqaykupis Jehová Dios, payta kasukojkunaman wiñay kausayta qonanta nisqanpi atienekuyku (Romanos 6:23). Waj runas wiñay kausayta japʼinankuta munasqaykuraykutaj, Reinomanta paykunaman willamunaykupaj mayta kallpachakuyku. Jinapis yachayku mana chayta ruwasqaykuraykuchu salvasqa kanaykuta (Romanos 1:17; 3:28). Ni imata ruwayta atisunmanchu Jehová Dios chay sumaj regalota qonawanchejpaj. Astawanpis “salvawanchis, mana ima allin ruwaskanchisraycuchu, manachayri qhuyapayawaskanchisraycu” (Tito 3:5, Mosoj Testamento 1985).