Isaías 11:1-16
11 Jesejpa+ saphiyoj kʼullunmantaqa uj ramita ijimonqa,*+saphisninmanta pʼutumojtaj poqonqa.+
2 Paypa patanmantaj Jehová Diospa espiritun tiyaykonqa.+
Chayrayku payqa yachayniyoj,+ sumaj yuyayniyoj kanqa,sumajta yuyaychanqa, atiyniyojtaj kanqa,+manchay yachayniyoj kanqa, Jehová Diostataj jatunpaj qhawanqa.
3 Payqa Jehová Diosta manchachikusqanrayku kusisqa kanqa.+
Mana rikusqanman jinallachu juzganqa,nitaj uyarisqanman jinallachu kʼamenqa.+
4 Wajchaspaj cheqan justiciata ruwaponqa,cheqan kajman jina kʼamenqa jallpʼapi, llampʼu sonqoyojkunaj allinninkupaj.
Siminmanta llojsimoj tojnuwan jallpʼata wajtanqa,+sajra runastataj siminpa phukusqallanwan wañurachenqa.+
5 Justiciaqa cinturanta matʼikunanpaj chumpin kanqa,cheqan kajta ruwaypis caderanta matʼikunanpaj chumpin kanqa.+
6 Atojqa* corderitowan khuska karikonqa,+chʼejchi leonpis* chivituwan khuska winkurenqa,*toritowan, leonwan, wira uywawanpis khuska karikonqanku.*+
Chay animalestataj uj lloqallitulla michenqa.
7 Wakawan jukumariwanqa khuska mikhurenqanku,uñasninkupis khuska winkurenqanku.
Leonqa toro jina pajata mikhonqa.+
8 Ñuñoj wawaqa cobra katarej juskʼun patapi pujllarikullanqa,uj lloqallitupis venenoyoj katarej thapanman makinta satʼillanqa.
9 Tukuynin santo orqoypeqa,+manaña pitapis imananqankuchu, nitaj pitapis ñakʼarichenqankuchu.+
Jallpʼaqa Jehová Diospa yachayninwan juntʼa kanqa,imaynatachus mar qochaman yaku juntʼaykun ajinata.+
10 Chay pʼunchay Jesejpa saphenqa+ tukuy llajtaspaj uj señal jina rikhurenqa.+
Nacionesqa yuyaychachikunankupaj payta maskʼanqanku,+samarikunan lugartaj may jatunpaj qhawasqa kanqa.
11 Chay pʼunchay Jehová Diosqa ujtawan makinta aysarenqa llajtanmanta puchojkunata tantakapunanpaj Asiriamanta,+ Egiptomanta,+ Patrosmanta,+ Cusmanta,+ Elammanta,+ Sinarmanta,* Hamatmanta, mar qocha churusmantawan.*+
12 Nacionespaj uj señalta rikhurichenqa, Israelmanta chʼeqerasqa* kajkunata tantanqa,+ Judamanta chʼeqarasqa kajkunatapis jallpʼaj tawantin kʼuchusninmantapacha tantamonqa.+
13 Efrainqa manaña envidiakonqachu,+Judaj contranta oqharikojkunaqa chinkachisqa kanqanku.
Efrainqa manaña Judamanta envidiakonqachu,nitaj Judapis Efrainpa contranta oqharikonqachu.+
14 Inti yaykuy ladopi filisteospa kinraykunasninkuman* phawaykonqanku.
Inti llojsimuy ladomanta runastaqa khuska saqueanqanku.
Edompa contranta,+ Moabpa contranta makinkuta oqharenqanku,+ammonitaspis paykunaj kamachisninkuman tukonqanku.+
15 Jehová Diosqa Egipto mar qochamanta uj cheqata iskayman tʼaqanqa,*+Mayu* patapi makinta kuyuchenqa.+
Rupha samayninwan qanchis mayusninta chʼakichenqa,*chaynintataj runasta jukʼutasniyojta* pasachenqa.
16 Nacionninmanta puchojkunapajqa+ Asiriamanta llojsimunankupaj uj ñan kanqa,+imaynatachus Egiptomanta Israel llojsimunanpaj uj ñan karqa ajina.
Sutʼinchaykunasnin
^ Ijiy: waj lugarespi ninku chʼillchiy, retoñay.
^ Ichá nillanmantaj “toritowan leonwanqa khuska mikhurikonqanku”.
^ Winkuy: waj lugarespi ninku siriy.
^ Chayri “leopardopis”.
^ Hebreo parlaypeqa nin, “Loboqa”. Loboqa atojman rijchʼakun, aswan jatuntaj.
^ Sinar nispaqa Babiloniamanta parlashan.
^ Chayri “islasmantawan”.
^ Chʼeqeray: waj lugarespi ninku tʼaqaray.
^ Chayri “faldasninkuman”.
^ Ichá nillanmantaj “uj cheqata chʼakichenqa”.
^ Mayu nispaqa Éufrates mayumanta parlashan.
^ Ichá nillanmantaj “qanchis mayusman tʼaqanqa”.
^ Chayri “abarcasniyojta”.
