Sajra ruwaykunaqa Satanás llullakusqanrayku qallarerqa. Satanasqa qallariypi uj kʼacha ángel karqa, jinapis “mana cheqa kajpi sinchʼita sayarqachu” (Juan 8:44). Payqa yupaychachikuyta munasqanrayku, Evata engañarqa Diosta mana kasukunanpaj. Adanpis Eva jina, manallataj Diosta kasukorqachu. Chayraykutaj sufrinchej, wañunchej ima. Génesis 3:1-6, 19 leey.

Satanasqa Evata engañaykuspa Jehová Diospa contranpi oqharikorqa, nitaj Jehová Diosta tukuy imata kamachinanpaj derechoyojta jinachu qhawarqa. Kay mundomanta ashkha runastaj Supay jinallataj ruwanku. Ajinamanta Satanasqa ‘kay mundota kamachejman’ tukorqa. Juan 14:30; 1 Juan 5:19 leey.

Mana, Diospa ruwasqasnenqa may sumajpuni. Payqa runasta, angelestapis, payta kasukuyta atinankupaj jina ruwarqa (Deuteronomio 32:4, 5). Diosqa allin kajta chayri mana allin kajta ajllayta atinapaj jina ruwawarqanchej. Chayraykutaj Diosta munakusqanchejrayku payta kasukuyta atinchej. Santiago 1:13-15; 1 Juan 5:3 leey.

Imaraykuchus Diosqa rikuchiyta munan, paypa yanapaynillanwan runas allinta kamachiyta atisqankuta. Chaywanpis Diosqa mana unaypajchu chayta saqenqa (Eclesiastés 7:29; 8:9). Runasqa  6.000 watastaña paykunapura kamachinakushanku. Jinapis ni mayqen gobierno sajra ruwaykunata, onqoykunata, guerrasta ima chinkachiyta atinchu. Jeremías 10:23; Romanos 9:17 leey.

Diospa kamachiykunasninta kasukusun chayqa, allin riwasun (Isaías 48:17, 18). Imaraykuchus Jehová Diosqa pisimantawan tukuynin gobiernosta chinkachenqa. Payta kasukojkunallataj, Gobiernon kamachimushajtin kausakonqanku (Isaías 11:9). Daniel 2:44 leey.

Kay Imaraykutaj Dios llakiykuna kananta saqen? nisqa videota qhawariy.

Satanasqa interesraykulla Diosta yupaychasqanchejta nin. Chaytaj mana ajinachu. Chayrayku Diosninchej pacienciakusqanrayku payta kasukuspa, Gobiernonta yanapaspa ima Satanás llulla kasqanta rikuchisunman. Job 1:8-12; Proverbios 27:11 leey.

Imaynatachus yupaychananchejta Dios munasqanta yachananchej tiyan, Biblia yuyaychasqanman jinataj Diosta yupaychana tiyan (Juan 4:23). Chantapis Jesús jina politicapi, guerraspi ima mana chhapukusunchu chayqa, Satanaspa contranpi churakusun. Juan 17:14 leey.

Satanasqa khuchichakuyman, sajra ruwaykunaman ima runasta tanqan. Mana chay runas jinachu ruwajtinchejtaj, ichá familianchej chayri amigosninchej asipayawasunman, churanakuwasunman ima (1 Pedro 4:3, 4). Ajinapi rikukuspataj Diosta kasukojkunaman kʼaskaykuna, Diospa kamachiykunasnintataj kasukuna. Ajinamanta rikuchisunchej Kuraj Supayqa llulla kasqanta. Payqa nerqa runas interesraykulla Diosta yupaychasqanchejta. 1 Corintios 6:9, 10; 15:33 leey.

Diosqa munakuwasqanchejrayku llakiykunata, sajra ruwaykunata ima chinkachenqapuni. Chayta creejkunataj, kay jallpʼapi wiñaypaj kausakonqanku. Juan 3:16 leey.