1. Sonqo tiyayqa Bibliallapi tiyan,

tukuy runasman suyakuyta qon.

Yachachisqanqa tʼukunapaj jina,

kʼanchayta, kausaytapis Biblia qon.

Kay sumaj libro Diospa yuyaychasqan,

qhelqajkunata yuyaycharqa pay.

Jehová atiyta paykunaman qorqa.

Chay runasnejta parlaj Dios Jehová.

2. Bibliapi willan maychus kajtapuni,

Dios tukuy kajta ruwasqanta nin.

Chantapis willan sajra angelmanta,

Jehovaj contranpi sayaykorqa pay.

Adanpis karqa mana pantaj runa,

Diosninchejtataj wasancharqa pay.

Chayrayku kan juchapis ñakʼariypis,

chaykunataqa chinkachenqa Dios.

 3. Kusirikuna tiempo chayamunña,

kamachishanña Cristonejta Dios.

Sonqo kʼajaywan chayta willamunchej,

tukuypaj kanqa sumaj bendición.

Bibliapi tiyan sumaj willaykuna,

sonqonchejtapis tiyaykuchin chay.

Kay librotaqa leerinapuni,

chaypi kusiyta qowanchej Jehová.