TAPANMANTA | BIBLIATAQA TUKUY ENTIENDESUNMAN
¿Bibliata leey yanapawasunmanchu?
China suyumanta Lin, nin: “Bibliaqa may rejsisqa. Jinapis mana China suyumantachu”.
India suyumanta Amit, nin: “Religionniypi apaykachakusqan librotaqa mana entiendenichu, Bibliatataj astawanrajchá”.
Japón suyumanta Yumiko, nin: “Bibliata unay libro kasqanrayku mana pisipajchu qhawani, tukuytaj rantikunku. Jinapis mana rejsinichu”.
Runasqa Jallpʼantinpi Bibliata mana pisipajchu qhawanku, imatachus yachachisqanta pisillata chayri ni imata yachaspapis. Chay jinapitaj rikukunku astawanqa Asia nisqapi tiyakojkuna. Biblia tiyan chay lugarespipis kikillantaj.
Ichá niwaj Bibliata leeyqa qhasillapaj kasqanta. Jinapis Bibliata leeyqa kaykunapi yanapawanchej:
-
Kusisqa kausakunapaj
-
Familiapi chʼampayta allinchanapaj
-
Llakiyta atipanapaj
-
Wajkunawan allinta kausakunapaj
-
Qolqeta allinta apaykachanapaj
Uj warmi, Japón suyumanta Yoshiko sutiyoj Bibliaj nisqanta yachayta munarqa, chayrayku leererqa. Leeytawantaj nerqa: “Bibliaqa mana qhasipajchu kausasqayta yachanaypaj yanapawan. Imachus aswan qhepaman kanantapis kunanqa yachani”, nispa. Amit, pimantachus parlarerqanchejña, paypis Bibliata leererqa. Paytaj nin: “Bibliapi leesqayqa tʼukuchiwarqa. Bibliaj nisqanqa tukuypaj”, nispa.
Bibliaqa runasta allinta kausakunankupaj yanapan. Qanpis Bibliata leerispaqa imaspichus yanapasunanta reparanki.
