Organización Mundial de la Salud nisqanman jina, 23 de mayo de 2022 fechakama 6,27 millones runasña COVID-19 onqoywan wañusqanku. Jinapis Organización Mundial de la Salud nisqamanta kajkunaqa, 5 de mayo de 2022 fechapi nerqanku ichapis aswan ashkharaj wañusqankuta. Nillarqankutaj 2020, 2021 wataspi “COVID-19 onqoywanpuni chayri chay onqoy waj onqoyninkuta yapaykusqanrayku, [...] 14,9 millones jina wañusqankuta”. ¿Biblia imatapis ninchu kay jina llakiy kasqanmanta?

•    Jesusqa nerqa imaymana “wañuchej onqoykuna” ‘qhepa pʼunchaykunapi’ kananta (Lucas 21:11; 2 Timoteo 3:1).

 Jesuspa chay nisqanqa kunan juntʼakushan. Chaymanta astawan yachanaykipaj, “¿Ima señaltaj rikuchin ‘qhepa pʼunchaykunapi’ kausashasqanchejta?” nisqa yachaqanata leeriy.

•   “Tukuy imapi sonqochaj Diostaj [...] imaymana llakiykunapi [...] sonqochawanchej” (2 Corintios 1:3, 4).

 Ashkha runaspata familiaresninku, amigosninku ima wañuporqa. Paykunamanta ashkhastaj Bibliapi sonqochayta tarerqanku. Chaymanta astawan yachanaykipaj, “Llakiyniykipaj yuyaychaykuna”, chantá “Aswan sumaj yanapa” nisqa yachaqanasta leeriy.

•   “Gobiernoyki jamuchun. Munayniykitaj ruwasqa kachun, imaynachus cielopi, ajinallatataj kay jallpʼapipis” (Mateo 6:10).

 Pisimantawan ‘Diospa Gobiernonpi’ “ni mayqen runapis nenqachu: ‘Onqosqa kani’, nispaqa” (Marcos 1:14, 15; Isaías 33:24). Chay Gobiernomanta, imatachus ruwananmantapis astawan yachakunaykipaj, ¿Imastataj Diospa Gobiernon ruwanqa? nisqa videota qhawariy.

 Munayku Bibliamanta astawan yachakunaykita. Ajinamanta qanpis familiaykipis Bibliaj nisqanwan yanapachikunkichej, Biblia sumaj imasmanta parlasqantataj yachakunkichej.