Salmos 113:1-9
113 ¡Aleluya!TAYTA DIOSTA sirviqkuna, jutinta joqarir payta alabapäkuy.
2 Kananpis imaypis TAYTA DIOSPA jutin alabashqa kaykulätsun.
3 Patsa warashqanpita patsa tsakashqanyaq TAYTA DIOSTA maytsaychöpis alabapäkutsun.
4 TAYTA DIOSMI lapan nacionta munaynincho tsararaykan.Jana patsachöpis paymanqa manami pipis tinkuntsu.
5 TAYTA DIOSNINTSINÖQA manami pipis kantsu.Paypa trönunqa ciëlupita mas altuchömi kaykan.
6 Tsaypitami rikaykämun jana patsatapis y kay patsatapis.
7 Tayta Diosqa waktsakunata yanapanmi.Pishïpakuqkunatapis taritsinmi.
8 Mayor runakunawan jamaränanpaqmi churan.Markancho respitashqa runa kananpaqmi churan.
9 Qoluq warmitapis wawata taritsinmi.Wawayuq kaptinmi kushishqa kawananpaq yanapan.¡Aleluya!*
Ichic wilacuycuna
^ 113.5-9 1Sam. 2.2-8; Luc. 1.48-53.
