Salmos 124:1-8
Kay salmuqa Jerusalénman aywaqkuna alabananpaqmi kaykan. David qelqashqan.
124 TAYTA DIOS mana yanapamaptintsiqa ¿imanöraq kashwan karqan?Israel runakuna, kanan lapantsi kayno nipäkushun:
2 TAYTA DIOS mana yanapamaptintsiqa ¿imanöraq kashwan karqan?Chikimaqnintsikuna contrantsi sharkur
3 rabyashpan jinalanpami pasaratsimashwan karqan.
4 Cargashqa mayu imaykatapis apashqannömi ushakätsimashwan karqan.
5 Bötiypa bötir aywaq mayu imaykatapis apashqannömi ushakätsimashwan karqan.
6 ¡TAYTA DIOSTA alabashun!Paymi tsapämashqantsi runakuna pasaypa ushakätsimänantsipaq kaykaptin.
7 Toqlapita* pishqu qeshpishqannömi makinpita qeshpimushqantsi.Watamashqantsi waska rachikäkuptinmi qeshpimushqantsi.
8 Kay patsatapis jana patsatapis kamaq TAYTA DIOSMI imaypis yanapamantsi.*
