Salmos 24:1-10
(1a) David qelqashqan salmu.
24 (1b) TAYTA DIOSPAMI kay patsapis y kay patsacho kaqkunapis kaykan.Lapan kawaqkunapis paypami kaykan.*
2 Tayta Diosmi kay patsata kamashqa.Lamar y mayukuna rurinman cimientuta ruraykurmi tsay jananman jamatsishqa.
3 TAYTA DIOS akrashqan jirkanman ¿piraq witsanman?*Sagrädu wayinman ¿piraq yaykunman?
4 Tsaymanqa yaykunqa alita ruraqkunalami,shonquncho imaypis alilata yarpaqkunalami,*ïduluta mana adoraqkunalamiy promitishqanta mana qonqaypa cumpliqkunalami.*
5 Paykunamanmi TAYTA DIOS bendicionninta churanqa.Contranpa makinpitapis paymi salvanqa.
6 Tsaynömi kaykan Tayta Diosta *ashiqkuna.Tsaynömi kaykan Jacob yärakushqan Tayta Diosta manakuqkuna. Selah
7 Markapa punkunkunata kichapäkuy.Unay punkukunatapis kicharätsiy.Lapanpaq munayniyuq reymi yaykamunqa.
8 ¿Pitaq kaykan lapanpaq munayniyuq rey?Payqa kaykan munayniyuq y pitapis mana mantsakuq TAYTA DIOSMI.Payqa guërracho lapantami vincin.
9 Markapa punkunkunata kichapäkuy.Unay punkukunatapis kicharätsiy.Lapanpaq munayniyuq reymi yaykamunqa.
10 ¿Pitaq kaykan lapanpaq munayniyuq rey?Payqa kaykan lapanta mandaq TAYTA DIOSMI.Paymi kaykan lapanpaq munayniyuq rey. Selah
Ichic wilacuycuna
^ 24.1 Sal. 50.12; 89.11; 1Cor. 10.26.
^ sagrädu Liyinki santupita tantiyatsikuyta.
^ 24.3-4 Sal. 15.1-2.
^ ashiy, Diosta ashiy Tayta Diosta ashirqa lapan shonquntsiwanmi payta manakuntsi (Sal. 105.3-4; 2Crón. 7.13-14). Manami templulachötsu Tayta Diosta Israel runakuna ashipäkurqan, sinöqa maytsaychöpis ashipäkurqanmi (Deut. 4.27-31; Jer. 29.12-14). Tayta Diosta ashirqa jutsata rurashqantsipita perdonta manakuntsi (Ose. 3.5) y payta imaypis cäsukuntsi (Sof. 2.3). Tayta Diosta ashirqa tarishunpaqmi (Deut. 4.29-31; 2Crón. 15.2; Isa. 45.19). Tayta Dios nimantsi payta ashinantsipaq (1Crón. 16.10-11; 22.19; Amós 5.4). Mana ashirqa manami pay munashqannötsu kawantsi (2Crón. 12.14).
