Salmos 38:1-22
(1a) David qelqashqan salmu. Tayta Diospa *altarnincho inciensuwan qoshtatsir kay salmuta cantapäkuy.
38 (2) TAYTA DIOS, rabyashqa karpis amana nakaykatsilämaytsu.Piñashqa karpis amana castigaykalämaytsu.*
2 (3) Castigamaptiki pasaypami nakaykä.Fiyupami flëchaykiwan castigamashqanki.*
3 (4) Jutsata rurashqäpita castigamaptiki intëru cuerpümi nanaykan.Lapan tulükunami choqchuykan.
4 (5) Jutsa rurashqäpita nakar manami awantänatsu.Lasaq qepita apariraqnömi kaykä.
5 (6) Mana cäsukuypa jutsata rurashqäpitami qerïkunapitapis esquy yarqamur pasaypa asyaykan.
6 (7) Lakishqa, uysukashqa y penqakushqami qoyarküpis.
7 (8) Shanapäkuptïmi waqtäpis rawrayparaq rupaykan.Intëru cuerpüpis pasaypami qotukaykan.
8 (9) Kalpäpis manami kannatsu.Pasaypa aqashqano karmi ataypa ataykä.
9 (10) Tayta Dios, imata munaykashqätapis qam musyaykankimi.Lakikuykashqätapis musyaykankimi.
10 (11) Shonqüpis kurun kurunyaykanmi.Kalpäpis pasaypami ushakashqa.Nawïpis tsakakaykannami.
11 (12) Qeriwan kashqäta rikamarmi amïgükunapis y aylükunapis witikärin.*
12 (13) Conträkunaqa wanutsimänanpaqmi wilanakurkaykan.Chikimaqnïkunaqa ushakätsimänanpaqmi parlakurkaykan.Paykunaqa imay hörapis atacamänanpaqmi yarpachakurkaykan.
13 (14) Paykuna conträ rimaptinpis manami mayaq tukütsu.Upa tukuykurmi imatapis mana parlakütsu.*
14 (15) Mana mayaq runanömi y defiendikuyta mana kamäpakuq runanömi kaykä.
15 (16) Qamlamanmi yärakamü, TAYTA DIOS.Noqapa favornï rimarkulay.
16 (17) Imapis pasamaptin ama kushipämätsuntsu.
17 (18) Pasaypa wanunaykänami.Nanaykämashqan manami juk rätulapis chawaykuntsu.
18 (19) Tsaymi mana alikunata rurashqäpita perdonta manakü.Jutsata rurashqäpita pasaypami penqakü.
19 (20) Conträkunaqa atskamanmi mirashqa.Achäquita mana ashipaykaptïpis chikiykämanmi.
20 (21) Yanapaykaptïpis conträmi sharkurkaykan.Alita ruraykaptïpis conträ karkaykan.
21 (22) TAYTA DIOS, japalätaqa ama kachaykalämaytsu.Imaypis ama qonqaykalämaytsu.
22 (23) Imaypis salvamaq Tayta Dios, jukla salvaykalämay.
Ichic wilacuycuna
^ altar Altarkunaqa karqan rumiwan perqashqa y qerupita ruraykur jananpa y rurinpa bronciwan enchapashqami. Tsay altarkunachömi uywakunata rupatsir runakuna jutsankunapita perdonashqa kananpaq cürakuna Tayta Diosta manakäriq. Tsaynölami templu rurincho qoripita rurashqa taksha altarpis karqan. Tsaychömi cürakuna inciensuwan qoshtatsiq. Rumipita perqashqa altar imano kashqanta musyanaykipaq rikanki 2Sam. 24.18-cho kaq dibüjuta. Tayta Diosta mana cäsukuq runakunapis altarkunata ruraykurmi ïdulukunata adorapäkuq (Éxo. 30.1-10; Deut. 27.5-6; 2Rey. 16.10-16; 2Crón. 4.1).
^ 38.1 Sal. 6.1; Jer. 10.24.
