Salmos 61:1-8
(1) Cantaqkunapa mandaqninpaqmi. Cuerdayuq instrumentuta tukar cantapäkunki. David qelqashqan salmu.
61 (2) Tayta Dios, qayakamushqäta mayaykalämay.Manakamushqäta wiyaykalämay.
2 (3) Valornï manana kaptinmi shonqüpis ushakaykan.Markäpita pasaypa karucho kashpämi qamta manakamü.Altunnin qaqaman pakaykalämay.
3 (4) Qammi kanki pakakunä törri.Qammi kanki chikimaqnïkunapita tsapämaqnï.
4 (5) *Sagrädu tolduykicho imaypis täkuytami munaykä.Tsaychömi älaykiwan ima peligrupitapis tsapämanki.* Selah
5 (6) Lapan promitishqätami qam musyaykanki, Tayta.Qamta *mantsakushuqnikikuna chaskinanpaq kaq herenciatami qomashqanki.
6 (7) Mandaq rey atska wata kawananpaq yanapaykulay.Payqa imayyaqpis kawaykulätsun.
7 (8) Qampa bendicionnikiwan imaypis mandaykulätsun.Mana kachaypa imapitapis tsapaykulay.
8 (9) Tsayno yanapashqaykipitami imaypis alabashayki.Qamta lapan promitishqätapis waran waranmi cumplishaq.
Ichic wilacuycuna
^ Sagrädu Toldu Liyinki Tinkuna Toldupita tantiyatsikuyta.
^ 61.4 Deut. 32.10-11; Sal. 17.8; 63.7; 91.4.
^ mantsakuy, Diosta mantsakuy Tayta Diosta mantsakurqa tantiyantsi kuyakuq y perdonakuq karpis jutsa rurayta mana kachariqkunata castigashqantami (Éxo. 34.6; Heb. 10.31). Tayta Dios munayniyuq kashqanta rikar Israel runakunapis payta mantsakurqanmi (Éxo. 14.31; Jos. 4.24; 1Sam. 12.18). Tsaymi Tayta Diosta mantsakur payta adorar cäsukuntsi (Deut. 5.29; 10.12-13; Jos. 24.14) y runa mayintsiwan ali kawantsi (Lev. 25.17, 36, 43). Tayta Diosqa payta mantsakuqkunapa amïgunmi kaykan (Sal. 25.14).
