Salmos 97:1-12
97 ¡TAYTA DIOSMI mandamaqnintsi rey kaykan!¡Kay patsacho taqkuna, kushikäriy!¡Maytsay islacho taqkunapis, kushikäriy!
2 Paypa nawpankunachöqa yana pukutaymi kaykan.Ali mandaq karmi pipapis favornin mana sharkuypa juzgan.
3 Puntantami nina bunyaypa bunyar aywan.Tsay ninawanmi contrankunata ushakätsin.
4 Elquyninpis intëru kay patsatami atsikyapan.Tsayta rikarmi kay patsa fiyupa siksikyan.
5 TAYTA DIOSQA intëru kay patsapa duëñunmi kaykan.Paypa nawpanchöqa jirkakunapis cëranömi tsulun.*
6 Jana patsapis Tayta Dios alilata ruraq kashqantami wilakun.Maytsay nacioncho taq runakunapis munayniyuq kashqantami rikarkaykan.
7 Lapan dioskunapis* Tayta Diospa nawpanmanmi qonqurpakärin.Tsaymi ïdulukunata adoraqkuna penqaycho kanqa.Ïdulukunata adorar ali chölu tukuqkunaqa lapanpis penqakärinqami.
8 TAYTA DIOS, qammi runakunata shumaq juzganki.Tsaymi *Sióncho taqkuna fiyupa kushikärin.Intëru Judácho taq runakunapis pasaypami kushikärin.
9 TAYTA DIOS, intëru kay patsacho kaqkunapaqpis munayniyuqmi kaykanki.Lapan dioskunapitapis mas munayniyuqmi kaykanki.
10 Jutsa rurayta mana munaqkunataqa TAYTA DIOS kuyanmi.Payman yärakuqkunataqa imapitapis tsapanmi.Fiyu runakunapa makinpitapis salvanmi.
11 Tsaymi ali runakunaqa atskichöno ali kawapäkun.Dios munashqanno kawaq runakunaqa kushikärinmi.
12 Ali runakuna, TAYTA DIOSPA makincho kashqaykipita kushikäriy.Paypa jutinta joqarir alabapäkuy.
Ichic wilacuycuna
^ Sión Siónqa Jerusaléncho jirkanmi kaykan. Siónchömi Davidpa Markan karqan y templuta sharkatsipäkurqan (Sal. 2.6; 9.11; 132.13). Tsaymi Jerusalén markapa jukaq jutin Sión kaykan (2Crón. 5.2). Bibliachömi Siónta parlapan warmita parlapaqno (Isa. 49.15, 22; Lam. 2.1).
