Pa ri Loqʼalaj Pixabʼ kbʼix wi che kqariq jun qakʼaslemal che kʼot ukʼisik pa ri uwach Ulew (Salmo 37:29). Chupam kʼo 66 alaj täq wuj che xtzʼibʼax kumal e 40 sukʼ achijabʼ che xechaʼ rumal ri Ajawaxel. Qʼaxinaq chi 3.500 junabʼ che Moisés xutzʼibʼaj ri jobʼ nabʼe täq wuj, tekʼuriʼ ri kʼisbʼal wuj che xtzʼibʼax rumal ri apóstol Juan kʼateʼ qʼaxinaq 1.900 junabʼ tzʼibʼam. Ri chomanik che e kʼo pa ri Loqʼalaj Pixabʼ petinaq rukʼ ri Ajawaxel. Areʼ xukoj ri uxlabʼixel che ubʼixik ri uchomanik chike ri achijabʼ che xetzʼibʼan ri Loqʼalaj Pixabʼ (2 Samuel 23:2). Wa achijabʼ riʼ xkitzʼibʼaj ri uchomanik ri Ajawaxel, are ta ri kichomanik e areʼ. Rumal laʼ, are ri Jehová ajchaqʼe ri chomanik che kʼo pa ri Loqʼalaj Pixabʼ. Chasikʼij uwach 2 Timoteo 3:16 xuqujeʼ 2 Pedro 1:20, 21.

Chawilaʼ ri video ¿Jachin ajchaqʼe ri chomanik kʼo pa ri Biblia?

Rumal che ri Loqʼalaj Pixabʼ petinaq rukʼ ri Ajawaxel. Qas qetaʼm, rumal che chiʼ kuya ubʼixik chirij ri petinaq qastzij ri kubʼij, ri winaq kekun ta che ubʼixik ri petinaq (Josué 23:14). Xaq xiw ri Ajawaxel che qas nim uchoqʼabʼ kkunik kubʼan wariʼ. Chasikʼij uwach Isaías 42:9 xuqujeʼ 46:10.

We jun wuj petinaq rukʼ ri Ajawaxel, nim ubʼanik riʼ. Jachom kʼi Loqʼalaj Pixabʼ pa sibʼalaj kʼi chʼabʼal. Pa neʼ ojer chik kʼolik, xaq junam ri kubʼij rukʼ ri ketaʼm ri winaq che kketaʼmaj chirij ri kajulew. Xuqujeʼ, ri e 40 achijabʼ che xetzʼibʼanik xaq junam ri xkibʼij. * Xuqujeʼ pa ri Loqʼalaj Pixabʼ, qʼalaj ri uloqʼoqʼenik ri Ajawaxel xuqujeʼ kʼo na uchoqʼabʼ che ukʼexik ri kikʼaslemal ri winaq. Rumal laʼ, sibʼalaj e kʼi winaq qetaʼm che ri Loqʼalaj Pixabʼ are Utzij ri Ajawaxel. Chasikʼij uwach 1 Tesalonicenses 2:13.

Chawilaʼ ri video ¿Jasche kqabʼij che ri kubʼij ri Biblia are ri Qastzij?

Ri Loqʼalaj Pixabʼ kukʼut jun utz kʼutunem. Kchʼaw chirij ri qas kraj ri Ajawaxel chike ri winaq. Kuya ubʼixik che chiʼ xumaj lo ri kikʼaslemal ri winaq xkisach uwach ri kotzʼiʼjalaj Ulew xuqujeʼ kubʼij jas kbʼan che ubʼanik chi jumul. Chasikʼij uwach Apocalipsis 21:4, 5.

Chupam ri Utzij ri Ajawaxel kʼo taqonik xuqujeʼ pixabʼ. Kubʼij chaqe ri ubʼanom ri Jehová chike ri winaq, wariʼ kukʼut ri ubʼantajik chqawach. Rumal laʼ, ri Loqʼalaj Pixabʼ kojutoʼ rech kqetaʼmaj chirij. Xuqujeʼ, kukʼut chqawach ri kqabʼano rech kqachilaj. Chasikʼij uwach Salmo 19:7, 11; Santiago 2:23, xuqujeʼ 4:8.

Rech «kakichʼobʼ ri tzʼibʼatalik», ri Jesús xubʼij jujun versículos tekʼuriʼ xuya ubʼixik chirij ri kraj kubʼij. Wajun wuj riʼ xuqujeʼ je kubʼano rech kojutoʼ che uchʼobʼik ri qas kukʼut ri Loqʼalaj Pixabʼ. Chasikʼij uwach Lucas 24:27, 45.

Qas qetaʼm che sibʼalaj kawaj kawetaʼmaj más chirij ri utz täq jastaq rech ri Ajawaxel. Tekʼuriʼ, e kʼo winaq kkaj täj kketaʼmaj, xuqujeʼ e kʼo jujun kpe koyowal chiʼ kbʼix chike chirij ri Ajawaxel. Kaya täj che wa winaq riʼ katkiqʼatej rech kawetaʼmaj. Ri Loqʼalaj Pixabʼ kubʼij, che ri winaq che kketaʼmaj chirij ri Ajawaxel kkiriq jun kikʼaslemal che kʼot ukʼisik. Chasikʼij uwach Juan 17:3.