Isaïas 16:1-14
-
Moabchö markakunata ima pasanampaq kaqta willakur sïguin (1-14)
16 Nacionchö gobernaqpaq, Sëla sitiupita juk carnëruta apatsiyë.
Tsë carnërutaqa Sion markachö jirkayaq tsunyaq sitiupa apayätsun.
2 Qeshumpita*+ mantsakätsishqa pishqunömiMoabpita nunakunaqa Arnon pampa kinrëchö mantsakätsishqa kayanqa.+
3 “Qamkunapura parlar decidiyanqëkita rurayë.
Pullan junaqchö wänikikuna o llantuykikuna paqasnö yanarätsun.
Mëtsëman apashqa kaqkunata pakayë, y qeshpir ëwakoqkunata traicionayëtsu.
4 Moabpita nunakuna, mëtsëman apashqa sirwimaqnïkuna markëkikunachö kawayätsun.
Pëkunata ushakätsita munaqkunapita machë cuenta tsapëkuyë.+
Manam imëkëkikunata apakuyanqanatsu, wakinkunata sufritseqkunapis ushakäyanqam.
Tsënöllam wakinkunata mana alli trataqkunapis ushakäyanqa.
5 Davidpa kastampita gobernaqmi gobernar täkunachö täkunqa.+
Gobiernunqa alli patsätsishqam kanqa,y imata ruranqampis kuyakoq kanqantam rikätsikunqa.
Llapampaqmi igualpa justiciata ruranqa,y justiciata asheqkunataqa manam shuyarätsinqatsu”.+
6 Wiyarquntsikmi Moabpita nunakunaqa orgullösu kayanqanta.+
Pëkunaqa allish tukoq, orgullösu y ras o sas cölerakoqmi kayan.+
Tsënö kaptimpis, alabakur parlayanqanqa manam cumplikanqatsu.
7 Moabpita nunakunaqa mana allita pasayanqampitam llakikuyanqa.
Awmi, llapankunam llakikur waqayanqa.+
Vencishqa kaqkunapis, Quir-Harëset markachörurayanqan päsaskunapaqmi* waqayanqa.+
8 Hesbon+ markachö y Sibmä+ markachö üvas plantakunaqa,pasëpam* tsakiriyashqa.
Nacionkunata gobernaqkunampuka üvasyoq rämakunata jarur ushakätsiyashqa.
Tsë rämakunaqa, Jazer+ markayaq y tsunyaq sitiuyaqmi chäyarqan,y tseqllipinkunaqa lamar kuchunkunayaqmi chashqa kayarqan.
9 Tsëmi Jazer markapaq waqanqänölla,Sibmä markachö üvas plantakunapaqpis waqashaq.
Qamkunachöqa manam murukuykunata cosechar büllata rurayanqanatsuni usya witsanchö frütata cosecharpis kushikuyanqanatsu.
Tsëmi Hesbon marka y Elealë+ sitiu, weqïwan qamkunata oqütsiyashqëki.
10 Huertakunachöpis manam kushishqanatsu kayanqa, y manam üvas chakrakunachöpisbüllata rurayanqanatsu ni kushikur cantayanqanatsu.+
Kushikur büllayanqanta upällatsishqa kaptïmi,üvasta jaruyanqanchöpis vïnuta rurayanqanatsu.+
11 Moabta+ y Quir-Harëset-ta+ pasanampaq kaqman pensar llakikuptïmi,arpapa cuerdannöraq tullüpis karkaryärin.
12 Santunkunata adorayänan sitiukunaman y templunkunaman mana dejëpa mañakoq ëwarpis, Moabpita nunakunaqa manam imatapis lograyanqatsu.+
13 Tsëtam Teyta Jehoväqa Moabpita nunakunapaq puntallapitana willakurqan.
14 Y kananqa Teyta Jehovä kënömi nin: “Këpita kima watallatanam* Moabpita nunakunaqa penqakatsishqa kayanqa y imëka mana allikunam pasanqa. Kawëkar quedaqkunapis wallkaqlla karmi puëdeqnatsu kayanqa”.+
Nötakuna
^ Kënöpis niyanmi: Chikumpita.
^ Tsënö nirqa, tsakishqa üvaskunata lapiskir këkitanö rurayanqampaqmi parlëkan.
^ Kënöpis niyanmi: jankatmi.
^ O “pägupaq trabajaqkuna yupayanqannö kima watallachönam”.
