J.m.sh. 4026 wata pasariptin

Jehovä gobernanampaq derëchuyoq kanqampaq y imanö gobernanqampaq ‘culebra’ mana allita parlan. Jehovä änikun culebrapa o Satanaspa peqanta o umanta juk ‘kasta’ ushakätsinampaq (Genesis 3:1-5, 15). Peru juk tiempuqa Satanaspa makinchö këkaq nunakuna kikinkunapura gobernakuyänantam permitin.

J.m.sh. 1943 wata

Teyta Jehovä Abrahanta nin, pëpa juk kastan änikunqan ‘kasta’ kanampaq kaqta (Genesis 22:18).

J.m.sh. 1070 wata pasariptin

Gobernaq Davidta y tsëpita tsurin Salomonta Teyta Jehovä nin, änikunqan ‘kasta’ pëkunapa familian kanampaq kaqta (2 Samuel 7:12, 16; 1 Rëyes 9:3-5; Isaïas 9:6, 7).

J.sh. 29 wata

Jehovä willakun änikunqan ‘kasta’ y Davidpa gobernar täkunanta chaskeq Jesus kanqanta (Gälatas 3:16; Lücas 1:31-33; 3:21, 22).

 J.sh. 33 wata

Teyta Dios änikunqan ‘kastapa’ atakanta herïdayätseq cuenta, ‘culebra’ Satanas Jesusta wanutsiyänampaq causan. Teyta Jehovä Jesusta kawaritsin, ciëluta kutitsin y jutsannaq kawëninwan pagakunqanta chaskin. Tsëmi permitin jutsantsikpita perdonta chaskinapaq y Adanpa kastankuna imëyaqpis kawëta puëdiyänampaq (Genesis 3:15; Hëchus 2:32-36; 1 Corintius 15:21, 22).

J.sh. 1914 wata witsan

Unë culebra Satanasta Jesus patsaman jitarkamun, y wallka tiempulla tsëchö kanampaq obligan (Apocalipsis 12:7-9, 12).

Shamoq tiempuchö

1000 watapam Satanasta Jesus prësu katsinqa. Tsëpitanam peqanta o umanta ushakätseq cuenta pasëpa ushakätsinqa. Tsënömi patsapaq y nunakunapaq Teyta Jehovä munanqan cumplikanqa, imëkata niyanqampita jutin limpiu quedanqa y alli gobernaq kanqanta cläru musyayanqa (Apocalipsis 20:1-3, 10; 21:3, 4).