“Jahua pacha Taita Diosga shuj reinodami churanga, chai reinodaga ni pi na tucuchingallu” (Daniel 2:44, Traducción del Nuevo Mundo, 2019).

“Shuj churidami ñucunchimun cushca, mandana derechoga paibu maquibimi gan” (Isaías 9:6).

• Cai alli gobiernomi cada unoda ayudanga (Isaías 48:17, 18).

• Ñallami cai allpa paraíso tucujpi nanai illaj feliz causashun (Apocalipsis 21:3, 4).

Ari, Bibliami caida huillan:

• Jesusga Taita Diosbu Reino imada rrurrana gashcadami rricuchirca. Jesusga paida catijgunadaga Taita Diosbu Reino shamullun, shinalladi paibu voluntad cai allpabi rrurrallunmi oracionbi mañana ganguichi nish yachachirca (Mateo 6:9, 10). Shinalladi oracionbi rrurrashca shimiguna imashina fajtarina gashcadami rricuchirca.

  Jesús cai allpabi gashaga, pobre gentegunamunmi cararca, ungushca gentegunadami sanoyachirca (Mateo 15:29-38; Juan 11:38-44). Shinalladi huañushca gentegunadashmi causachirca. Jesús cai allpabi gashami, Taita Diosbu Reinobi shamuj funchaguna imada rrurrana gashcada rricuchirca (Apocalipsis 11:15).

• Cai mundobi ima tucujushcada rricushmi Taita Diosbu Reino ñalla shamuna gashcada cuenta cunchi. Jesusga Taita Diosbu Reino narij cai allpamun shamujpimi cai mundobiga guerraguna, yarijai, terremotos tiyanga nirca (Mateo 24:3, 7).

  Cunun funchabi caidami rricunchi, shinami Taita Diosbu Reinoga cai problemagunada ñalla tucuchinada seguros crinchi.