YACHACHINA 6
¿Ima suyana huañusckáspaj tían?
1. ¿Ima suyana huañusckáspaj tían?
Suj ocaciunpi, Jishu Betaniaman ʼrera, suj llajta ckayllita Jerusalenmanta maypi causara yanasun Lásaru. Áicap Jishu chayara, Lásaru na taa punchaus huañuscka tiasa cara. Jishu cusca Martaan y Mariaan —Lasárup ñañasninuan—, sepulturaman ʼrerancu, y chaypi ancha ashca persunas tincunacorancu. ¿Anchami cusicorancu Marta y María ckaas Jishu Lasarút causachisckanta? Juan 11:21-24, 38-44 cama léey.
Alli noticiaspi ima Biblia ckon taricun suyana cutis causaymanta. Marta na yachara Jehová huañusckasta causáchej ʼrisckanta cutis Ashpapi causanancúpaj. Job 14:14, 15 léey.
2. Persunasta, ¿ima sucedepucun huañuptincuna?
Tata Yaya Adanta nipora: «Ashpa canqui y Ashpaman voliacunqui» (GÉNESIS 3:19).
Túcuy persunas «Ashpamanta» ʼruasckas caycu (Génesis 2:7; 3:19). Mana caycu espíritus ima causancu suj cuerpupi aichamanta y tullumanta. Caycu persunas tullumanta y aichamanta, y áicap huañuycu mana causas seguiycu. Huañuptiycu, umáycup pesamientusniycu huañuncu. Huañusckas mana ni imatapas yachancu ni usuncu. Chayraycu Lásaru mana nimátap ʼrimara huañuyninmanta. Eclesiastés 9:5, 6, 10 léey.
Huaquin creencu ima Tata Yaya persunasta huañuptincuna suj infiernupi usuchicun, pero chá suj llulla can. Imaina ckaaraycu, huañusckas mana nimátap yachancu. Chayraycu yachachisckancu infiernumanta llulla can y Jehóvap sutinta mapachan y pay chejnin pillapas usuchun ninapi infiernumanta. Jeremías 7:31 léey.
Ckáay vidiu ¿Qué le pasa a la gente cuando muere?
3. ¿Aticun huañusckasuan ʼrimayta?
Huañusckas mana ʼrimayta atincu ni uyariyta (Salmo 115:17). Pero, tiancu mana alli ángeles ima atincu persunasuan ʼrimayta y creechicuncu ima cancu chá persunas ima huañorancu. (2 Pedro 2:4). Chayraycu, Jehová niaycu, huañusckasuan mana ʼrimanaycu tían. Deuteronomio 18:10, 11 léey.
4. ¿Picunas cutis cáusaj ʼrincu?
Ancha ashca persunas ima huañorancu, Ashpapi cutis cáusaj ʼrincu. Picunaspas Jehovát mana ʼrejserancu y mana alli imastis ʼruarancu, cutis cáusaj ʼrincu. Lucas 23:43 y Hechos 24:15 léey.
Picuna cutis cáusaj ʼrincu, verdarta Tata Yayamanta yachayta átej ʼrincu, y ckaachiyta ima fe Jishupi apincu casupuspá (Apocalipsis 20:11-13 cama). Chayta ʼruaspá, túcuy tiempúpaj cáusaj ʼrincu caypi Ashpapi. Juan 5:28, 29 léey.
5. Cutis causayta, ¿imát yachachiaycu Jehovamanta?
Causachisckas cayta yachachiáysh ima Jehová can suj Tata Yaya munácoj y bondar inmerecidamanta. Gracias ima pay huaanta cachara huañunánpaj nockayshraycu, apiycu chá suyana. Y ckam, ¿pít ckaayta munanqui persunas causachisckas captincuna? Juan 3:16 y Romanos 6:23 léey.
