YACHACHINA 03
¿Ckam confiayta atinqui Biblia nisckanpi?
Bibliapi tariycu ashca promesas y ashca consejus. Dejuro ckam apinqui curiosidar yachanaas yachachisckanta. Pero nacha apinqui dudasniyquita. ¿Atiycu confiayta promesaspi y consejuspi suj libru ancha ñaupamanta? ¿Atiycu creeyta chay ima Biblia nin ima cusisckas cayta cunan y ámoj pachapi? Ancha ashca ashca persunas creeycu ima chayna can. Animasuycu ckam ckaanayquita ímaj chayna pensaycu, y ckáay si convencesun.
1. ¿Checkamanta llallera imaina Biblia nin?
Biblia nin ima apin «nisckas checkamanta» y escribisckas carancu esactituruan (Eclesiastés 12:10). ʼRiman imastismanta ima llallerancu y persunasmanta ima chá epocapi causarancu (léey Lucas 1:3; 3:1, 2). Ashca historiadores y arqueólogus nerancu checka casckanta fechas, lugares y persunasmanta ima chá epocapi causarancu, y atun acontecimientus ima Biblia nin.
2. ¿Imajchus Bibliapi confiaycu amapas can suj libru ñaupamanta?
Ancha unaymantapacha Biblia cara ashca imastispi suj libru ancha adelantascka epocánpaj. Por ejemplu, nin imastis ima ckaanan tían cenciaan. Amapas áicap escribicora ashca maa créej carancu Biblia nisckanpi ashca imastismanta. Pero punchausniyshpi cencia ckaachin Biblia nisckan checka can. Nisckasnin «cancu siempre confiables, cunan y túcuy eternidárpaj» (Salmo 111:8).
3. ¿Imajchus confiaycu Biblia nisckanpi ámoj pachamanta?
Biblia apin profecías a ima huillancu «imastis ima manáraj llállej ʼrerancu» (Isaías 46:10). Huillara ashca imastismanta ancha ashca tiempuan manáraj llalliptincuna. Nátaj nera imaina punchausniyshpi mundu canman. Cá yachachinapi estudiasúysh huaquin profecías Bibliamanta y ckaasúysh ancha esata casckanta.
ASTAAN ESTUDIANÁYSH TÍAN YACHÁYPAJ
Ckaasúysh imaina cencia tincusckaan Bibliaan armoniapi tían y ckaasúysh huaquin súmaj profecías Bibliamanta.
4. Cencia armoniapi tían Biblia nisckanuan
Ancha únay yacka túcuy persunas créej carancu ashpa imallapas saanpi taanascka tiara. Ckaaychis VIDIU.
Ckáay nisckanta libru Jobmanta, na inan 3500 huatas ima escribicora. Leeychis Job 26:7 y ʼrimaychis cá tapunasmanta:
-
¿Imajchus ancha alli can Biblia ninanta ashpa «nimapas» saanpi taanascka tian?
Na inan 200 huatas ima allít unanchacora cá tiempu yacumanta. Pero ckáay Biblia chayta na ancha ashca ashca huatas na nera. Leeychis Job 36:27, 28 y ʼrimaychis cá tapunasmanta:
-
¿Ima astaan atenciún huajyasun cá yachachina yácup tiempunmanta?
-
Cay testus ima leeranqui, ¿yanapasun astaan confiayta Biblia nisckanpi?
5. Biblia ʼrimara atun sucesusmanta
Leeychis Isaías 44:27-45:2 y ʼrimaychis cá tapunasmanta:
-
¿Ima imastismanta Biblia ʼrimara na doscientos huatas manáraj Babilonia conquistascka captin?
Historia nin ima 539 huatapi manáraj Jishu huachascka captin suj Rey Persiamanta, sutin Ciro y ejércitun Babiloniamanta adueñacora. Chá mayu ima ciudarta arcas tiara, yacun suj lauman ʼrinanta ʼruarancu. Imaina puncus quicharisckas cuterancu, aterancu yaycuyta y chayna mana pelias adueñacorancu. Na 2500 huatas llallerancu y Babilonia cunancama túcuy urmachiscka tían. Ckáay cunan Biblia nisckanta.
Leeychis Isaías 13:19, 20 y ʼrimaychis cá tapunasmanta:
-
¿Cá profecía imaina cumplicora?
Irakpi Babilonia túcuy urmachiscka
6. Biblia nera imastis ima cunan llallishcancu
Biblia huajyan cá época ima causashcaycu ckepa punchaus (2 Timoteo 3:1). Ckáay nisckanta cá epocamanta:
Leeychis Mateo 24:6, 7 y ʼrimaychis cá tapunasmanta:
-
¿Ima imastis Biblia nera ckepa punchausmanta?
Leeychis 2 Timoteo 3:1-5 y ʼrimaychis cá tapunasmanta:
-
Imaina Biblia nera, ¿imaina canman yacka túcuy persunaspa caynin ckepa punchauspi?
-
Persunaspa caynincunamanta ima testu ʼriman, ¿mayckancunát ckam ckaanqui?
HUAQUINCUNA NINCU: «Biblia apin ashca cuentus y leyendas».
-
¿Ima ckaachisun y convencesun ima aticun confiayta Biblia nisckanpi?
BIBLÍAP YACHACHINASNIN
Cencia, historia y profecías ckaachincu ima atiycu confiayta Biblia nisckanpi.
Yuyáypaj
-
¿Biblia can suj libru acontecimientusmanta ima llallera o leyendasmanta?
-
¿Imaina cencia ckaachin de acuerdo tían Biblia nisckanuan?
-
¿Creenqui ckam Biblia huillan ámoj pacha llállej ʼrisckanta? ¿Ímaj chayna pensanqui?
ASTAAN YÁCHAY
Cencia laumanta, ¿Biblia esata can?
«¿Biblia de acuerdo tían cencia tincusckaan?» (Artículo sitiuycumanta jw.org)
¿Ima ckaachin ima ckepa punchauspi tiaycu?
«Shojta profecías Bibliamanta cumplicushcancu» (La Atalaya, 1 mayomanta 2011 huatamanta)
Ckáay imaina cumplicorancu profecías Bibliamanta Imperio Griegomanta.
Ckáay imaina profecías Bibliamanta ʼruara suj ckari cambiananta opinasckanta Bibliamanta.
Tata Yayáp mana créej carani (La Atalaya, núm. 5 2017 huatamanta)
a Cá profecías apincu Tata Yáyap mensajesnin ámoj pachamanta.
