LECCIÓN 28
Jehová Diosta, Jesucristoras canmanda ima rurashcara pagarachungui
¿Camba amigo shu gustu cuyanara cujpi imasnara sintiringui? Cushi sintiringuima, camba amigo cuyashcara pagarachushcara ricuchina munanguima. Jehová Dios, Jesuspas ñucanchima mas valishca cuyanara cuca, chi cuyashca Jesús huañushcami an. Paigunara pagarachungaj imara rurana ashcara ricushun.
1. ¿Imara rurana anchi Yaya Diosta, Jesucristoras pagarachushcara ricuchingaj?
Diospa Shimi nin ‘maicans Jesuspi quirisha’ huiñai causaira charina ushan (Juan 3:16). ¿Imasna caita rurana ushanchi? Sirtu quirinara ricuchina ushanchi ñucanchi rashcaunahua, ajllashcaunahuas (Santiago 2:17). Ñucanchi rurashcaunahua, rimashcaunahuas ñucanchi quirinara ricuchisha Jesushua, Jehová Dioshuas mas amigo tucunchi (leai Juan 14:21).
2. ¿Imara iyarina anchi Jehová Diosta, Jesustas pagarachungahua?
Manara huañushcallaira Jesús rimaca paita catijcunara imara rurana ashcara pai huañushcara pagarachungaj. Pai rimaca valishca tandarinara rurachu, Biblia nin ‘Señorba cena’ shinallara caita ricsinchi Jesús huañushcara iyarina (1 Corintios 11:20). Apostolguna Jesús huañushcara iyaringaj tandarinuj aca huasha tucui Jesusta sirtu catijcunas, runaunamanda Jesús huañushcara iyarina anchi. Cai tandarinamanda rimasha Jesús nica: “Caita raichi ñucara iyaringaj” (Lucas 22:19). Jesús huañushcara iyaringaj tandarinama risha ricuchingaraungui Jehová Diosta, Jesustas pagarachushcara.
MAS YACHAI
Jehová Diosta, Jesustas pagarachushcara ricuchingaj ima mas rurana ashcara ricushun. Shinallara ricungaraunchi imarasha Jesús huañushcara iyarina mas valishca ashcara.
3. ¿Imara rurana ushanchi pagarachushcara ricuchingaj?
Iyari, can yacui chucasha huañushcai shu runa canda quishpichijpi ¿chi runa canda quishpichingaj yanapashcara dsaslla cungaringuimachu? ¿O paita pagarachungaj ursaringuimachu?
Jehová Dios ñucanchira causaira cushcamanda causaunchi. Leaichi 1 Juan 4:8-10, huasha catij tapuigunamanda rimaichi:
-
¿Imarasha Jesús huañushca yapa valij an?
-
¿Imasnara can sintiringui Jehová paihua Churindi canmanda rurashcara iyarisha?
Jehová ñucanchimanda Jesuspa causaira cushcamanda ¿imasnara valichina ushanchi? Leaichi 2 Corintios 5:15 shinallara 1 Juan 4:11; 5:3. Caran texto leashca huasha, catij tapuimanda rimaichi:
-
Biblia rimashca shina ¿imasnara pagarachushcara ricuchina ushanchi?
4. Jesús rurashcara catinchi
Pagarachushcara ricuchingaj Jesús rurashcara catinchi. Leaichi 1 Pedro 2:21, huasha catij tapuimanda rimaichi:
-
¿Imasnara Jesús rurashcara can catina ushangui?
Jesús, Diospa Shimira llaquica, ali gustu cuintashcaunara yachachij aca, shuj runaunaras yanapaj aca.
5. Jesús huañushcara iyaringaj tandarinchi
Señorba cena punda rurashcara imasna ajta yachangaj, leaichi Lucas 22:14, 19, 20. Huasha catij tapuigunamanda rimaichi:
-
¿Imara Jesús chi tuta rurarca?
-
¿Imara tanda, vino ricuchin? (Versículo 19, 20 ricuichi).
Jesús munaca paita catijcuna pai huañushcara caran huata iyarinuchu pai huañushca punzhai. Chiraigu Jehovahuaj testigoguna caran huata Jesús huañushcara iyarinchi Jesús mandashca cuinta. Cai yapa valishca tandarina imasna ajta yachangaj VIDEORA ricuichi. Huasha catij tapuimanda rimaichi:
-
¿Imara ruranchi Jesús huañushcara iyarina tandarinai?
Tanda ricuchin Jesús ucha illaj aicha, pai ñucanchimanda sacrificio cushcara. Shinallara vino paihua yahuar ricuchin.
RUNAUNA CASNA NINUJPI: “Quishpiringaj Jesuspi quirinalla ministirin”.
-
Cai mana sirtu ashcara ricuchingaj ¿imasnara Juan 3:16; Santiago 2:17 nishcara utilizanguima?
IMARA YACHASHCANGUI
Jesuspi quirishcara ricuchisha, pai huañushcara iyaringaj tandarinama risha pai ñucanchimanda huañushcara pagarachunchi.
Iyaringaj
-
¿Imasnara Jesuspi quirinara ricuchinchi?
-
¿Jehová Dios, Jesús canmanda rurashcara pagarachuna munanguichu? ¿Imasnara pagarachushcara ricuchina munangui?
-
¿Imarasha yapa valishca an Jesús huañushcara iyaringaj tandarinama rina?
RICUNGUI
Jesusta pagarachungaj ima rurana ashcara ricui.
Jesús paihua quiquin causaira cusha Jehovara ahuayachica (9:28)
Quirina ima ashcara, quirina imasna ricuchina ashcaras mas yachai.
Jesús runaunamanda huañushcara intindishca shu huarmi paihua causaira turcachica. “Cuna chuyaj ganaslla causaira charini” nishcai pai cuintashcara leai.
“Biblia paiguna causaira turcachica” (La Atalaya, 1 de agosto de 2011)
Yachai imarasha Jesús huañushcara iyarina tandarinai huaquingunalla tandara micunun, vinoras upinun.
Cai temagunaras leana munanguichari
TAPUIGUNA
Jehovahuaj testigoguna Bibliamanda yachachinchi
Jehovahuaj testigogunahua gratis Bibliamanda yachashcai can munashca Bibliara utilizana ushangui. Astaumbas munasha camba ailluunara amigogunaras cumbirana ushangui canhua yachangaj.
