PUNTO 3
Bibliai tiaj ali gustu cuintashcauna ¿Diosmandachu shamun?
1. Bibliara ¿pita quillcachica?
Allpai cushilla causai tianamanda ali gustu cuintashcauna Bibliai tian (Mateo 5:5). Yaya Dios 40 cariunara ajllasha 66 librogunara quillcachica. Moisés ñaupa punda 5 librogunara quillcaca, 3.500 huata huasha. Randi apóstol Juan puchucai librora 1.900 huata huasha quillcaca. Bibliai tiaj yachachishcauna Diosmandami shamun. Bibliara quillcaj cariuna espíritu santo yanapaihua quillcanuca. Paiguna quiquin iyaira churana randimanda Dios rimashcallara quillcanuca. Chiraigu Bibliaga Diospa Shimi an. Leapai 2 Timoteo 3:16; 2 Pedro 1:20, 21.
Bibliara ¿pita quillcachica? nishca video ricui.
2. Bibliai tiaj shimiunara ¿imarasha quirina anchi?
Bibliaga mana runauna rimashca cuinta pandanzhu. Diospa Shimi ashcamanda tucui pactarinmi. Chiraigu Bibliai rimashcaunara cierto pacha quirinchi (Mateo 5:18). Dioslla tucui ushaira charishcamanda tucuira pactachin. Leapai Tito 1:2.
Bibliaga Diospa Shimi ashcaraigu shujta librogunamanda mas yali sumaj libro an. Huaranga huaranga Bibliagunara, ashca shimiunai llucchirianun. Ñaupa timpu quillcashca ashas imaras ali pasajta mana pandasha yachachinmi. Astaumbas Bibliara quillcaj 40 cariunaga chimandallara rimanun. * Shinallara intiru Bibliai Dios ñucanchira llaquishcara ricuchin. Astaumbas Bibliaga cunan timpugama runauna causaira turcachina ushanmi. Chiraigumandami huaranga huaranga runauna Biblia Diospa Shimi ashcara quirinun. Leapai 1 Tesalonicenses 2:13.
Bibliai tiaj shimiunara ¿imarasha quirina anchi? nishca video ricui.
3. ¿Imara Bibliai yachachin?
Bibliai ali gustu cuintashcauna tian. Yaya Diosga runaunama ali gustu causanara cungaraun nisha Biblia riman. Shinallara rimanmi, jardín de Edén nishca sisa pambai ali gustu causana chingarica. Shinajpis chi ali gustu causana cutillara tiangaraun nisha Biblia cuintan. Leapai Ricuchina (Apocalipsis) 21:4, 5.
Bibliai tianmi leyguna, Bibliamanda iyaiguna, camachishcaunas. Shinallara Biblia ricuchinmi, ali runaunara, manali runaunaras ricusha, Jehová Dios imasna sintirishcara. Chigunamanda cuintashami Biblia yanapan Jehová Diosta ali ricsingahua. Astaumbas yachachinmi ima rurana ashcara Diospa amigo tucungaj. Leapai Hebreos 8:10; Santiago 2:23; 4:8.
4. Bibliara ali intindingahua ¿imara yanapan?
Jesusga Diospa Shimi yachachishcaunara alira intindichica. Cai quillcaga Jesús yachachishca cuinta Diospa Shimira alira intindichin. Leapai Lucas 24:27, 45.
Yaya Dios partimanda ali gustu cuintashcaunara can mas yachashaga, ashcara cushiyanguimi. Shinajpis huaquin runauna cai ali gustu cuintashcaunamanda mana uyangahua munanun, huaquimbi piñarinun. Shina tucujpis Diospa Shimi estudianara ama saquinguichu. Bibliara can yachashaga, Yaya Diosta mas ricsingui. Shina rasha huiñai huiñaigama ali causanguimi. Leapai Juan 17:3.
^ par. 3 La Biblia... ¿la Palabra de Dios, o palabra del hombre? nishca librora ricuna ushangui. Cai librora Jehovahuaj testigoguna quillcanushca.
