Proverbios 18:1-24
-
“Hukkunamanta karunchakuq runaqa kikillanpaqmi imatapas munan” (1)
-
“Jehova Diospa sutinqa imamantapas harkaykuwaqninchik hatun torre hinam” (10)
-
Kapuqniyuq kayqa murallayuq llaqtaman rikchakuspanpas yanqalla kasqanmanta (11)
-
Yachayniyuq runaqa iskay runapa willakusqantam uyarin (17)
-
Ayllumantapas aswan kuyakuq amistadmanta (24)
18 Hukkunamanta karunchakuq runaqa kikillanpaqmi imatapas munan,allinninpaq rimapayasqankutapas manam kaqpaqpas hapinchu.
2 Mana yuyayniyuq runaqa hukkunapa yachachisqantaqa manam uyariytapas munanchu,aswanqa kikinpa yachayllanmantam rimayta munan.+
3 Pipas mana allinta ruwaspanqa chiqnichikunmi,pipas allin kaqta mana ruwaspanqa pinqaypim kanqa.+
4 Yachayniyuq runapa rimasqanqa yuyaymananapaq hinam*.+
Yachayniyuq runapa yachayninqa pullpullyayllaña tuqyamuq achkallaña yaku hinam.
5 Manam allinchu mana allin ruwaqman sayapakuyqa,+allin ruwaq runata huchayuq kasqanta niyqa manam allinchu.+
6 Mana yuyayniyuq runapa rimasqanqa piñanakuyllatam rikurichin,+payqa maqachikunanpaq hinam rimanpas.+
7 Mana yuyayniyuq runaqa rimasqallanwannmi llumpay sasachakuypi tarikun,+payqa rimasqallanwanmi wañuypa patanpi tarikun.
8 Runamasinta yanqamanta tumpaq runapa rimasqanqachaylla millpurunapaq miskillaña mikuy hinam.+
9 Llamkayninpi qilla runaqamana allin ruwaqpa wawqinmi.+
10 Jehova Diospa sutinqa imamantapas harkaykuwaqninchik hatun torre hinam.+
Allin ruwaq runaqa chayman chaylla rispanmi pakaykusqa kanqa*.+
11 Apu runapa kapuqninqa hatun murallayuq llaqtamanmi rikchakun,paypaqqa harkaqnin hatu-hatun murallamanmi rikchakun.+
12 Hatuntukuq runaqa mana allinpim tukun,+mana hatuntukuq runam ichaqa ancha riqsisqa kanqa.+
13 Imatapas sumaqta mana yachachkaspan rimariq runaqa ruqru umam,chayna runaqa pinqaypim kanqa.+
14 Unquq runataqa allin kaqkunapi yuyaymanasqanmi sunqunta tiyachin,+llumpay llakisqa runam ichaqa llasa-llasaq qipiyuq hina.+
15 Allin yuyayniyuq runaqa yachayniyuq kaytam munan,+yachayniyuq runaqa imatapas sumaqtam uyarin aswan yachayniyuq kananpaq.
16 Imallatapas runamasinman quykuq runaqa imapas munasqantam tarinqa,+riqsisqa runakunapa qayllanmanmi chayanqa.
17 Imapas pasasqanmanta puntata willakuq runapa rimasqanqa allin kasqanpaqmi rikchakun,+ichaqa huk runa hamuruspa tapupayaptinñam imam kaqqa yachakun.+
18 Sorteaspankum ima sasachakuytapas allichanku,+chaynatam ancha riqsisqa iskay runakuna sasachakuyninkuta allichanku.
19 Hatun murallayuq llaqtaman sasa yaykuy hinam piñasqa runawan rimaypas sasa.+
Piñanakuyqa rejillayuq punku hinam runakunata rakin.+
20 Imapas rimasqanman hinam runaqa saksasqa hina kanqa,+rimasqanman hinam kusisqapas utaq llakisqapas kanqa.
21 Runaqa rimasqanman hinam wañunqapas utaq kawsanqapas,+rimasqanman hinam allinpas utaq mana allinpas kanqa.+
22 Allin warmita tariruyqa pakata tariruy hinam,+chayna warmita tariruq runaqa Jehova Diospa chaskiykusqanmi*.+
23 Wakcha runaqa pitukuykuspanraqmi imatapas mañakun,apu runam ichaqa nanay simi.
24 Kanmi kikinkupura llumpay sasachakuyman pusanakuq runakuna,+kantaqmi ayllumantapas aswan kuyakuq amistadpas.+
Willakuykuna
^ Hebreo rimaypiqa nichkan: “Uku-uku yaku hinam”, nispam.
^ Hebreo rimaypiqa nichkan: “Altoman churasqa kanqa”, nispam. Kaywanqa niyta munachkan manaña pipas utaq imapas imanananmantam.
^ Utaq: “Yanapaykusqanmi”.
