Santiago 3:1-18
3 Wawqi-panillaykuna, amayá llapallaykichikchu qamkuna ukupi yachachiqqa kaychik. Yachasqaykichikpi hinapas yachachiqkunaqa aswan juzgasqam kasunchik.+
2 Llapallanchikmi sapa kuti pantanchik.+ Pipas rimaspan mana pantaq runaqa mana huchayuqmi, chayna runaqa tukuy cuerpontapas controlanmanmi.
3 Piensariychikyá: Kasuwananchikpaq caballota hakimaruspaqa enteron cuerpontapas manejanchikmi.
4 Botekunatapas maynaña hatun kaptinpas hinaspa llumpay wayraña apaptinpas taksa timonchallawanmi runaqa munasqan lawman apan.
5 Chaynallataqmi qallunchikpas cuerponchikpiqa taksachalla, ichaqa qallunchikwanmi imamantañapas alabakunchik. ¡Arí! Taksachalla ninacham maynaña montetapas ruparunman.
6 Qallunchikqa nina hinam,+ cuerponchikpa llapallan partenkunamantaqa qallunchikmi tukuy mana allinkunawan huntasqa kachkan, qallunchikqa enteron cuerponchiktam huchallichin,+ runapa imayna kawsakusqantapas yanqacharunmanmi, chaymantapas Hinon wayqu* hinam imatapas chinkarachinman.
7 Runaqa mansanmi tukuy rikchaq purun animaltapas, alton pawaqkunatapas, qasqunpa puriqkunatapas hinaspa lamar quchapi kawsaqkunatapas,
8 qalluntam ichaqa pipas mana controlayta atinmanchu. Qalluqa pipapas mana controlay atinan mana allinmi, qalluqa kachkan wañuchikuq venenowan huntasqam.+
9 Qallunchikwanmi taytanchik Jehova* Diosta hatunchanchik, qallunchikwantaqmi ñakanchik “Diosman rikchakuq” unanchasqa runakunatapas.+
10 Simillanchikwanmi ñakanchikpas, simillanchikwantaqmi Diostapas hatunchanchik.
Wawqi-panillaykuna, imakunapas chayna kasqanqa manam allinchu.+
11 ¿Yaqachum huk pukyullamanta miski yakuwan qatqi yaku tuqyamunman?
12 Wawqi-panillaykuna, ¿yaqachum higos sachaqa aceitunasta rurunman, utaq uvaspas higosta rurunman? Manamá.+ Manataqmi puchqu yaku tuqyamuq pukyullamantaqa miski yakuqa tuqyamunmanchu.
13 ¿Pitaq qamkuna ukupi yachayniyuq hinaspa yuyayniyuq? Allin kawsakusqanwanyá sutillata qawachichun llampu sunqullawan imatapas ruwasqanta, chaynata ruwaspanqa yachayniyuq kasqantam sutilla qawachinqa.
14 Sichum sunquykichikpi kanqa sientichinakuykuna*+ hinaspa atipanakuykuna+ hinaptinqa, amayá hatuntukuychikchu+ yachayniyuq kasqaykichikmantaqa, chaynata ruwaspaqa chiqap kaqpa contranpim llullakuchkankichik.
15 Chayna kayqa manam hanaq pachamanta hamuq yachaychu, aswanqa kay pachamantam,+ aychapa munayninmantam hinaspa demoniokunamantam.
16 Sientichinakuykuna* hinaspa atipanakuykuna kaptinqa, chaqwa ruwaykuna hinaspa tukuy mana allin ruwaykunam kanqa.+
17 Hanaq pachamanta hamuq yachayman hina kawsaqkunam ichaqa kanku chuya,+ hawka kawsakuqkuna,+ mana hikutakuqllaña*,+ chaylla kasukuqkuna, llakipayakuqkuna, tukuy imapi allin kaqta ruwaqkuna,+ mana pimanpas sayapakuqkuna+ hinaspa mana iskay uya kaqkuna.+
18 Runamasinwan hawka kawsakuqkunaqa hawkayay+ kananpaqmi yanapakunku, chaynapim paykunaqa allin ruwaykunata ruwanku*.+
Willakuykuna
^ Griego rimaypiqa nichkan: “Gehena”, nispam. Qaway kay palabrapa ima ninan kasqanta.
^ Qaway A5 kaq yachachikuyta.
^ Utaq: “Kuyasqan runamanta iskayrayaykuna”, “envidianakuykuna”, “celosanakuykuna”.
^ Utaq: “Kuyasqan runamanta iskayrayaykuna”, “envidianakuykuna”, “celosanakuykuna”.
^ Utaq: “Atisqallanta ruwaq” utaq “piensasqanpi mana hapipakuq”.
^ Ichapas kanman: “Allin ruwaypa ruruntaqa hawkayay maskaqkunapaqmi hawkayaypi tarpunku”, niqpas.
