¿Yaqachu kawsakunchik pukllanapaq, llamkanapaq casarakunapaq, wawa-churiyuq kanapaq utaq machu-payayaspa wañurunallapaq? (Job 14:1, 2). Bibliapim tarinchik llumpay yachayniyuq runakunapas chaynata tapukusqankumanta (leey Eclesiastes 2:11).

Imapaq kawsasqanchikmanta yachanapaqqa, yachananchikraqmi imayna qallarisqanmanta. Umanchik hinaspa cuerponchik imayna ruwasqa kasqanmanta yachaspankum achka runakuna ninku tukuy atiyniyuq Dios unanchawasqanchikmanta (leey Salmo 139:14). Chayna kaptinqa allinta kawsakunapaqchá unanchawarqanchik. Imapaq unanchasqa kasqanchikta yachaymi yanapawasun kusisqa kawsakunapaq.

Punta tayta-mamanchikta Dios unanchaspanmi huk kamachikuyta qurqa. Payqa munarqam kay allpata wawa-churinkunawan huntachispa hinaspa sumaq huertaman allpata tikraspa wiñaypaq kawsakunankuta (leey Genesis 1:28, 31).

Runakuna Diosta qipanchaptinkupas payqa manam chayllachu imam piensasqantaqa saqirurqa, manataqmi mana kaqpaqpas hapirqachu. Bibliam nin chaymantapacha Diospa munayniy hinaspa runakuna mana wañunanpaqpas Dios anchata llamkasqanmanta. Diosqa munanmi kusisqa kawsakunaykita (leey Salmo 37:29). Bibliam niwanchik Diospa munasqanman hina kawsakuyninchik kananpaqqa ima ruwananchikmanta.