1 Crónicas 4:1-43
4 Judapa churinkunan karqan: Pérez,+ Ezrón,+ Carmí, Hur,+ Sobalpiwan.+
2 Sobalpa churinmi karqan Reayá, Reayapa churintaq karqan Jaj, Jajpa churinkunataq karqan Aumaiwan Lajajpiwan. Paykunaq mirayninmantan Zorá runakuna jamurqan.+
3 Etanpa+ taytanpa* churinkunan karqan: Jezrel, Ismá, Ijbaspiwan (paykunaq panankutaq karqan Azelelponí),
4 Penuelmi karqan Guedorpa taytan, Ezertaq karqan Jusapa taytan, paykunan karqanku Hurpa+ churinkuna. Hurqa Efrataq phiwi* churinmi karqan, Belenpa+ taytantaqmi karqanpas.
5 Tecoaq+ taytanmi karqan Asjur.+ Asjurqa iskay esposakunayoqmi karqan, paykunan karqanku Jelawan Narawan.
6 Narapa churinkunan karqan: Auzan, Héfer, Temení, Ajastaripiwan. Paykunatan Naraqa Asjurpaq onqokurqan.
7 Jelapa churinkunataq karqan: Zérej, Izar, Ejnanpiwan.
8 Cozpa churinkunan karqan: Anuf, Zobebá, Ajarelpa familiankuna ima. Ajarelqa Arunpa churinmi karqan.
9 Jabezqa wayqenkunamanta allin respetasqan karqan, mamanmi payta onqokuspa nirqan: “Nanaywanmi kay wawataqa onqokurqani”, nispa. Chaymi suticharqan Jabez* nispa.
10 Jabezqa Israelpa Diosninmantan khaynata mañakurqan: “¡Allinchá kanman bendeciwankiman chayqa, jallp’aytapas jatunyachiwaq chayqa! ¡Allinchá kanman yanapawankiman chayqa! ¡Allinchá kanman sasachakuykunamantapas salvawankiman chayqa, chhaynapi ama ñak’arinaypaq!”, nispa. Jinan Diosqa mañakusqanman kutichirqan.
11 Sujaq wayqenmi karqan Keluf, Keluftaq karqan Mejirpa taytan, Mejirtaq karqan Estonpa taytan.
12 Estonpa churinkunan karqan: Bej-Rafá, Paséa, Teinapiwan. Teinapa churintaq karqan Ir-Najás. Paykunan karqanku Recá runakuna.
13 Quenazpa churinkunan karqan Ojnielwan+ Serayawan, Ojnielpa churintaq karqan Ataf.
14 Meonotain karqan Ofrapa taytan. Serayan karqan Joabpa taytan, Joabtaq karqan Gue-Arasinpi* tiyaqkunaq taytan. Artesano kasqankuraykun Gue-Arasin nispa chay wayq’ota suticharqanku.
15 Jefunepa churinmi karqan Caleb,+ Calebpa churinkunataq karqan: Iru, Elá, Nanpiwan; Elapa churintaq karqan Quenaz.
16 Jealelelpa churinkunan karqan: Zif, Zifá, Tiría, Asarelpiwan.
17 Ezrapa churinkunan karqan: Jéter, Mérej, Éfer, Jalonpiwan. Merejpa jujnin kaq esposanmi* onqokurqan Miriamta, Samaita, Isbatawan. Isbaqa Estemoaq taytanmi karqan.
18 Paykunan karqanku Bitiaspa churinkuna. Bitiasqa faraonpa* ususinmi karqan, paymi Merejwan casarakurqan. (Merejpa juj esposanmi kallarqantaq Judá ayllumanta, paymi onqokurqan Jerejta, Heberta, Jecutieltawan. Jerejqa Guedorpa taytanmi karqan, Hebertaq Socopa taytan karqan, Jecutieltaq Zanoaq taytan karqan).
19 Najanpa pananmi karqan Odiaspa esposan. Chay esposanpa churinkunan karqan Queilapa taytan, Estemoaq taytan. Queilaqa Gerenmantan karqan, Estemoataq Macajmanta karqan.
20 Shimonpa churinkunan karqan: Amnón, Riná, Ben-Anán, Tilonpiwan. Isipa churinkunan karqan Zoejwan Ben-Zoejpiwan.
21 Judapa churinmi karqan Selá,+ Selapa churinkunataq karqan Erwan Ladapiwan. Lecapa taytanmi karqan Er, Maresapa taytantaq karqan Ladá. Selapa mirayninmi kallarqantaq Asbea runakuna, paykunan munay telakunata ruwaspa llank’arqanku.
22 Chaymantapas Selami karqan Joquinpa taytan, Cozebá runakunaq taytan, Joaspa taytan, Sarafpa taytan, paykunan Moab warmikunawan casarakurqanku. Chaymantapas Selaqa Jasubí-Lejenpa taytanmi karqan. Kay willakuykunaqa ñaupa tiempomantaraqmi.
23 Paykunan karqanku t’uruwan llank’aqkuna, tiyarqankutaqmi Netain llaqtapi, Guederá llaqtapi. Chaypin tiyarqanku reypaq llank’aspa.
24 Simeonpa+ churinkunan karqan: Nemuel, Jamín, Jarif, Zéra, Shaulpiwan.+
25 Shaulmi karqan Salumpa taytan, Salumtaq karqan Mifsanpa taytan, Mifsantaq karqan Mismapa taytan.
26 Mismataq karqan Amuelpa taytan, churintaq karqan Zacur, Zacurtaq karqan Simeipa taytan.
27 Simeipa churinkunan karqan chunka soqtayoq, ususinkunataq karqan soqta. Wayqenkunaqa pisi wawakunallayoqmi karqanku, manan mayqen familianpas Judá runakuna jinaqa askha wawayoqqa karqanchu.+
28 Paykunan tiyarqanku Ber-Seba+ llaqtapi, Moladá+ llaqtapi, Azar-Sual+ llaqtapi,
29 Bilá llaqtapi, Ézen llaqtapi,+ Tolaj llaqtapi,
30 Betuel+ llaqtapi, Ormá+ llaqtapi, Ziclag+ llaqtapi,
31 Bej-Marcaboj llaqtapi, Azar-Susin+ llaqtapi, Bej-Birí llaqtapi, Sarain llaqtapi ima. Chay llaqtakunapin paykunaqa tiyarqanku rey David kamachikuyta qallarisqan tiempokama.
32 Chaymantapas pisqa llaqtakunapin tiyallarqankutaq, chaykunan karqan: Etan, Ain, Rimón, Token, Asán+ ima.
33 Chay llaqtakunaq muyuriqnin llaqtachakunapin tiyallarqankutaq Baal llaqtakama. Tukuy chaykunan paykunamanta willakuy, familiankumantapas may llaqtakunapi tiyasqankumantapas.
34 Simeonpa wakin mirayninkunan kaykuna: Mesobaf, Janlec, Amasiaspa churin Josá,
35 Joel, Jehú (Jehuqa karqan Josibiaspa churinmi, Josibiastaq karqan Serayaq churin, Serayataq karqan Asielpa churin),
36 jinallataq Elionái, Jacoba, Jesoaya, Asaya, Adiel, Jesimiel, Benaya,
37 Zizapiwan (Zizaqa karqan Sifipa churinmi, Sifitaq karqan Alonpa churin, Alontaq karqan Jedayapa churin, Jedayataq karqan Sinripa churin, Sinritaq karqan Semayaq churin).
38 Llapa paykunan karqanku familiankupi umallikuna, chay familiakunan askhayapurqanku.
39 Paykunan rirqanku uywankupaq pasto maskhaq Guedor llaqta qayllaman, wayq’oq inti lloqsimuy ladonman.
40 Chaypin tarirqanku uywankupaq askha allin pastota, chay jallp’aqa jatunmi karqan, thajmi chaypiqa tiyarqanku. Ñaupaqpiqa Cam runakunan+ chaypiqa tiyarqanku.
41 Rey Ezequías+ Judá ayllu runakunata kamachisqan tiempopin chay runakunaqa Cam runakunaq Meunin runakunaq karpanta thunipurqanku, llapankuta wañuchispataq chaypi tiyapurqanku uywankupaq pasto kasqanrayku. Chaymantapachan kunankama mana imapas yachakunchu Cam runakunamanta Meunin runakunamantapas.
42 Simeón ayllumanta pisqa pachaj runakunataq Seír orqoman+ rirqanku. Paykunatan umallirqan Pelatías, Nearías, Refayá, Uzielpiwan; paykunan karqanku Isipa churinkuna.
43 Chay orqoman ayqekuq Amalec runakunatan+ chay pisqa pachaj runakunaqa lliuta wañuchipurqanku, jinan chaypi kunankama tiyashanku.
Uraypi willakuykuna
^ Kay capitulopi rijurimuq wakin sutikunaqa yaqapaschá llaqtakunaq sutin kashan, manataq runaq sutinchu. Chhayna kaqtinqa yaqapaschá “tayta” nispaqa llaqta jatarichiqmanta nishanman.
^ Jabez sutiqa yaqapaschá hebreo rimaypi “nanay” ninan palabramanta jamun.
^ Gue-Arasin sutiqa “artesanokunaq wayq’on” ninantan nin.
^ Egipto reykunatan “faraón” nispa niqku.
