Daniel 12:1-13
12 ”Chay tiempopin llaqtaykita yanapaq jatun umalli+ Miguelqa*+ sayarinqa. Sinchi llakikuy tiempon chayamunqa, chhayna llakikuyqa manan nacionkunaq qallariyninmantapachapas ni chay tiempokamapas karqanchu. Chaykuna pasashaqtinmi llaqtaykiqa salvasqa kanqa,+ libropi qelqasqa kaqkunan llapanku salvasqa kanqaku.+
2 Jallp’a sonqopi askha puñuqkunan rijch’arimpunqaku. Paykunamanta wakinmi rijch’arimunqa wiñay kausaypaq, wakintaq wiñaypaq p’enqasqa, pisichasqa kanankupaq.
3 ”Allin reparaq runakunan p’unchaypi cielo jinaraq k’ancharinqaku. Runakunata chanin kayman apaqkunapas ch’aska jinaraqmi k’ancharinqaku. Wiñay-wiñaypaqmi paykunaqa k’ancharinqaku.
4 ”Qanqa Daniel kay qelqasqaykita sellaspa waqaychay, tukukuy tiempokama allin waqaychasqa kachun.+ Kay qelqataqa askhan t’aqwinqaku,* chhaynapin cheqaq kaqmanta yachayqa askhayanqa”,+ nispa.
5 Chaykuna willawasqan qhepamanmi ñaupayta qhawarirqani, jinan iskay runakunapiwan chaypi sayashasqaku, jujninmi mayuq chimpanpi sayashasqa, juj kaqtaq juj lado chimpanpi sayashasqa.+
6 Jujnin sayashaqmi unu patapi sayashaq lino p’achayoq runata+ nirqan: “¿Jayk’a tiempotawanraqmi chay musphanapaq kaqkuna kanqa?”, nispa.
7 Jinan unu patapi sayashaq lino p’achayoq runaqa rimamurqan. Paña makinta lloq’e makintawan cieloman oqarispan wiñaypaq kausaq Diospa sutinpi jurarqan,+ nirqanmi: “Juj señalasqa tiempo, señalasqa tiempokuna, kuskan tiempo* pasanqa kaykuna junt’akunanpaqqa. Ch’uya llaqtaq atiynin tukuchisqa kaqtinmi+ tukuy kaykunaqa junt’akunqa”, nispa.
8 Chay nisqantaqa uyarisharqanin, ichaqa manan entienderqanichu.+ Chaymi nirqani: “Señorníy, ¿imapitaq kaykunari tukunqa?”, nispa.
9 Jinan payqa niwarqan: “Daniel, ripullayña, manan tiemporaqchu chay qelqapi imachus nisqanta entiendenapaqqa, kay qelqaqa tukukuy tiempokaman sellaspa waqaychasqa kanqa.+
10 Askha runakunan ch’uyanchakunqaku, jinaspa allin kaqta ruwanqaku, aswan allintan kausanqaku.+ Millay runakunaqa mana allin ruwaykunallapin purinqaku, manataqmi mayqenpas entiendenqachu. Allin reparaq runakunallan entiendenqaku.+
11 ”Sapa kuti sacrificio jayway sayachisqa kasqanmanta,+ millakunapaq ch’usaqyachiq kaq churasqa+ kasqanmantaqa 1290 p’unchaykunan pasanqa.
12 ”May kusisqan pacienciawan* suyakuqqa, kusisqan 1335 p’unchaykuna junt’akunankama suyakuqqa.
13 ”Qanqa Daniel tukukuykama junt’aq sonqolla kay. Samapunkin, ichaqa tiempollanpin jatarimpunki imachus tupaqniykita chaskikunaykipaq”,*+ nispa.
Uraypi willakuykuna
^ Miguel sutiqa “¿pitaq Dios jinari kanman?” ninantan nin.
^ Chaypiqa “yachayta tarinankupaq kayman jaqayman rinqaku” nillanmantaqmi.
^ Chaypiqa kinsa tiempo kuskanmantan rimashan.
^ Chaypiqa “ganaswan” nillanmantaqmi.
^ Chaypiqa “maypichus tupasunki chaypi” nillanmantaqmi.
