Salmos 59:1-17
Takiqkunata pusariqpaq. “Ama ñut’uychu”* nisqaman jina. Davidpa takin. Mijtan.* Wañuchiyta munaspan Saulqa Davidpa wasinman runakunata kacharqan qhawamunankupaq, chaypachan Davidqa kay takita paqarichirqan.+
59 Diosnilláy, cheqniwaqniy runakunamanta libraway,+noqa contra jatariqkunamanta pakaykuway.+
2 Mana allin ruwaqkunamanta kacharichiway,runa wañuchiqkunamanta libraway.
3 Diosníy, pakallapin paykunaqa suyawanku,+kallpasapa runakunan phawaykamuwanku.
Noqaqa manan pi contrapas sayarirqanichu,Diosníy Jehová, manan ima juchatapas ruwarqanichu.+
4 Manan noqaqa ima mana allintapas ruwarqanichu,chaywanpas phawaykamuwanankupaqmi alistakunku.
Sayariy, yanapaway, qhawariy imachus ruwawasqankuta.
5 Ejercitokunata kamachiq Jehová Dios, qanmi Israelpa Diosninqa kanki.+
Sayariy, nacionkunaq imachus ruwasqankuta qhaway.
Ama mayqen runamasin jap’ichiqtapas khuyapayaychu.+ (Séla).
6 Paykunaqa sapa ch’isinmi kutimunku,+alqo jina kanipakuspan+ llaqtata muyupayanku.+
7 Siminkumantaqa k’amikuyllan lloqsimun,rimayninkupas espada jinan.+
Paykunan nishanku: “¿Pin uyariwasunman?”,+ nispa.
8 Qanmi ichaqa Diosníy Jehová, paykunamanta asikunki,+llapa nacionkunamantan asikunki, llapankutan asipayanki.+
9 Kallpa qowaqníy, qantan makilla suyakusayki.+
Diosqa mana piqpa tarinan pakakunaymi.+
10 Mana tukukuq munakuyninta rikuchiwaqniy Diosmi yanapaqniy jamunqa,+Diosmi enemigoykunaq atipasqa kasqankuta rikuchiwanqa.+
11 Amaraq paykunata wañuchiychu,chhaynapi llaqtay imachus ruwasqaykita ama qonqananpaq.
Atiyniykiwan paykunata kayman jaqayman purichiy;Jehová Diosniyku, jark’aykuwaqniyku escudo, paykunata urmachiy.+
12 Siminkuwan juchallikusqankurayku,rimasqankuwan juchallikusqankurayku,jatunchakuq kasqankurayku urmachunku;+ñakaspa rimasqankupas llullakusqankupas paykunaman chayachun.
13 Phiñakuyniykipi paykunata tukuchiy,+lliuta ch’innichiy, amaña maypipas kachunkuchu.
Yachachunku Jacobpiqa Dios gobiernasqanta,kay pachaq k’uchunkunakamaraq gobiernasqantapas.+ (Séla).
14 Paykunaqa ch’isinta kutimuchunku,alqo jina kanikuspa llaqtata muyupayachunku.+
15 Mijunata maskhaspa kayman jaqayman purichunku,+ama sajsachunkuchu, ni maypi puñunankutapas tarichunkuchu.
16 Noqan ichaqa atiyniykimanta takisaq,+tutamantanmi mana tukukuq munakuyniykimanta kusisqa rimasaq.
Qanmi mana piqpa tarinan pakakunayqa kanki,+llakikuy tiempopi ayqekuspa pakakunaymi kanki.+
17 Kallpa qowaqniy Dios, qanmanmi jatunchay takikunata takimusayki,*+qanmi pakakunay Diosqa kanki, qanmi mana tukukuq munakuyninta rikuchiwaqniy Diosqa kanki.+
Uraypi willakuykuna
^ Chaypiqa yaqapaschá musicaq imayna uyarikusqanmanta otaq imayna tocakusqanmanta rimashan.
^ Chaypiqa “qanpaqmi musicata tocapusayki” nillanmantaqmi.
