Salmos 7:1-17
-
Jehová Dios chanin juez kasqanmanta
-
“Diosníy Jehová, imachus ruwasqayman jina juzgaway” (8)
-
Davidpa khuyay llaki takin. Chaytan Davidqa Jehová Diosman takirqan Benjamín ayllumanta Cuspa imaymana nisqanmanta.
7 Diosníy Jehová Dios, qanpin pakakushani,+qatikachawaqniy runakunamanta kacharichiway.+
2 Mana chayqa león jinachá llik’irpariwanqaku,+mana piqpa jark’asqanchá apawanqaku.
3 Diosníy Jehová, juchayoqchus kani chayqa,mana chanintachus imatapas ruwarqani chayqa,
4 allin kaqta ruwapuwaqtachus mana allinta ruwarqani chayqa,+yanqapas qasichus cheqniwaqniypa imantapas qechurqani chayqa,
5 jujnin cheqniwaqniy runa qatiwachun,aypamuwaspataq pampapi lliuta saruwachun,jatunchasqa kasqaypas jallp’api ch’usaqman tukuchun. (Séla).
6 Diosníy Jehová, phiñakuyniykipi sayariy,cheqniwaqniy runakuna contra jatariy;+sayariy, yanapariway, justiciata ruwachipuway.+
7 Nacionkuna qanman muyuykamuchun;qanqa wichaymantapachan paykuna contra jatarinki.
8 Jehová Diosmi llaqtakunata juchachanqa.+
Diosníy Jehová, imachus ruwasqayman jina juzgaway,imayna runachus kasqayman jina chaninchaway.+
9 Ama jinachu kay, millay runakunaq ruwasqanta tukuchiy,chanin runakunatataq qaqata sayachiy.+
Diosníy, qanqa chanin Diosmi kanki,+sonqotapas+ sonqo ukhupi kaqtapas t’aqwiq Diosmi kanki.+
10 Diosqa jark’aykuwaqniy escudon,+tukuy sonqowan serviqta libraq Diosmi.+
11 Diosqa chanin juezmi,+payqa sapa p’unchaymi sentencianta willamushan.
12 Pipas mana pesapakuqtinqa+ espadantan filochan,+flechana arcontan oqarin, jinaspan flechananpaq chutarin.+
13 Wañuchinan armakunatan listota churan,nina rauraynintin flechankunatapas listotan churan.+
14 Qhawariychis mana allin ruwaq runata;payqa sinchi mana allin ruwaytan wijsallikun, llullakuytataq onqokun.+
15 Payqa juj t’oqotan ruwan, ukhutan t’oqon,ichaqa pay kikillantaqmi chayman urmaykun.+
16 Mana allin ruwayninqa pay kikillanmantaqmi chayanqa,+llapa millay ruwayninpas payllamantaqmi kutinqa.
17 Jehová Diostan jatunchasaq, chanin Diostan alabasaq,+Jehová Diospa sutinmantan takisaq,+ ancha jatun Diostan jatunchasaq.+
