Jehová Diospa testigonkunaqa sapa watanmi watapi juj kutita Jesuspa wañusqanta yuyarinaykupaq juñukuyku, llapa invitasqayku runakunawan kuskan juñukuyku; Jesuspa kamachisqanman jinataqmi chayta ruwayku (Lucas 22:19). Chaypin yuyariyku runakunarayku Jesuspa llapa ima ruwasqanta, imaraykus chay ruwasqan allinpuni chaytapas. Paypa imachus ruwasqanqa manan kay tiempollapichu yanapawasunman, jamuq tiempopipas yanapawasunmi (Juan 3:16).

 Kay wata chay juñukuyman rirankiña manaña chaypas, ¿imaynapin Jesuspa wañusqan allinniykipaq kanman? Chaypaqqa ñaupaqtaqa Jesuspa nisqan kay iskay ruwaykunatan ruwanayki:

1.  1. Jehová Diosta Jesustawan reqsiy. Juj kutinmi Jesusqa papanmanta mañakushaspa nirqan: “Paykuna wiñay kausayta chaskinankupaqqa qan sapallan cheqaq Diostan reqsinanku, reqsinallankutaqmi kachamusqayki Jesucristotapas”, nispa (Juan 17:3).

2.  2. Yachasqaykiman jina ruway. Jesuspa nisqan jina, paypa yachachisqanman jinan kausananchis. Orqo patapi yachachiyta tukushaspan payqa allinta rimarqan “siminta uyarispa kasukuq” runamanta (Lucas 6:46-48). Juj kutinmi payqa nillarqantaq: “Yachankichistaq chaykunata chayqa, chayman jina ruwaspaykichisqa ancha kusisqan kankichis”, nispa (Juan 13:17).

 ¿Munawaqchu Jehová Diosmanta Jesusmantapas astawan yachayta? ¿Munawaqchu imaynatas yachasqaykiman jina kausawaq chayta yachayta? Chaypaq kay urapi kashan wakin yanapaykuna.

 Noqaykuqa llapa munaqmanmi Bibliamanta yachachiyku. Chay estudiaqkunaqa allintan Bibliata reqsinku, yachankutaqmi imaynatas chaypi nisqaman jina kausankuman chayta.

•   Chaymanta astawan yachayta munanki chayqa jaykuy “¿munawaqchu noqaykuwan Bibliamanta yachayta?” nisqaman.

•   Chaymantapas imaynatas estudiota qoyku chayta yachanaykipaq qhaway Allinpuni Bibliamanta yachay munasqaykiqa nisqa videota.

 Jehová Diospa testigonkunaqa sapa semananmi semanapi iskay kutita juñunakuyku Juñunakuna Wasi nisqapi. Chay juñunakuykunapin Bibliamanta allinta yachayku; yachaykun imaynatas chaypi nisqanman jina kausaykuman chaytapas.

 Chay juñunakuykunamanqa llapa runakunan invitasqa kashanku, manan Testigoraqchu kana chayman jaykunapaqqa. Imaynachus tiyasqayki llaqtapi imapas kashan chayman jinan munaspaqa videoconferencia nisqanta otaq celularninta chayman jaykuwaq.

•   Imaynachus chay juñunakuykuna aparikun chayta yachanaykipaq qhaway ¿Imaynatan huñunakuyniyku aparikun? nisqa videota.

•   Maykunapichus chay juñunakuykuna aparikun chayta yachanaykipaq jaykuy “Jehová Diospa testigonkunaq juñunakuyninman riy” nisqaman.

 Chaypi kaq qelqakunapas videokunapas allintan yanapasunki Jesuspa imachus yachachisqanta yachanaykipaq, jinallataq imaraykus wañusqanqa ancha allinpuni chayta yachanaykipaq.

 Imaynapis juj runallaq wañusqan waranqa-waranqanpi runakunaq allinninpaq kanman chayta yachanaykipaq leey “¿Imaynatan Jesús salvawanchis?” “¿Imaraykun Jesús ñak’arispa wañuran?” nisqa yachachikuykunata; qhawallaytaq ¿Imaraykun wañuran Jesús? nisqa videotapas.